«ԼԵՌՆԱՅԻՆ ՂԱՐԱԲԱՂԸ ԿԱՅԱՑԱԾ ՊԵՏՈՒԹԻՒՆ Է«. ԱՇՈՏ ՂՈՒԼԵԱՆ

0
114

«Այսօր Լեռնային Ղարաբաղի Հանրապետութիւնը կայացած պետութիւն է՝ բոլոր ատրիբուտներով եւ պետականութեան ինստիտուտներով, սեփական Սահմանադրութեամբ, ակտիւ քաղաքացիական հասարակութեամբ եւ դինամիկ զարգացող տնտեսութեամբ»: Գերմանական «EurActiv»ին հետ ունեցած զրոյցին ընթացքին այս յայտարարութիւնը կատարեց Լեռնային Ղարաբաղի Հանրապետութեան խորհրդարանի նախագահ Աշոտ Ղուլեանը:
Ըստ անոր՝ Լեռնային Ղարաբաղի մէջ ժողովրդավարական հիմնարկութիւնները կայացած են, եւ պետականութեան ամրապնդմամբ կը բազմանան անոր անկախութեան աջակցութեան ծառայող նախաձեռնութիւնները: Վերջին տարիներուն ամերիկեան եւ աւստրալիական նահանգներու օրէնսդիր մարմիններուն կողմէ Լեռնային Ղարաբաղի ժողովուրդին ինքնորոշման աջակցող բանաձեւեր ընդունուած են, Լիթուանիոյ եւ Ֆրանսայի մէջ ստեղծուած են խորհրդարանական խումբեր, իսկ Լեռնային Ղարաբաղի հետ բարեկամութեան ծիրին մէջ, Լեռնային Ղարաբաղի եւ Միացեալ Նահանգներու ու Ֆրանսայի բազմաթիւ քաղաքներ քոյր քաղաք հռչակուած են: «Վստահ եմ, որ այս գործընթացն ապագայում էլ կ՛ունենայ իր տրամաբանական շարունակութիւնը եւ նոր ազդակ կը ստանայ», նշեց Աշոտ Ղուլեան

LEAVE A REPLY

Please enter your comment!
Please enter your name here