ՆԱԽԱՐԱՐ ՕՀԱՆԵԱՆ ԸՆԴՈՒՆԵՑ ԵԱՀԿ ԳՈՐԾՈՂ ՆԱԽԱԳԱՀԻ ՅԱՏՈՒԿ ՆԵՐԿԱՅԱՑՈՒՑԻՉԸ

0
107

Հայաստանի պաշտպանութեան նախարար Սէյրան Օհանեան ընդունեց ԵԱՀԿ գործող նախագահի Հարաւային Կովկասի հարցերով յատուկ ներկայացուցիչ Անճելօ Կնետինկըրի գլխաւորած պատուիրակութեանը:
Հանդիպման մասնակիցները անդրադարձան տարածաշրջանային անվտանգութեան, հայ– ատրպէյճանական ուժերու հանդիպման գիծին վրայ զինադադարի խախտումներուն, ԵԱՀԿ Մինսքի խումբի ծիրին մէջ Լեռնային Ղարաբաղի հակամարտութեան կարգաւորման գործընթացին առնչուող հարցերուն:
Օհանեան մտահոգութիւն յայտնեց այն մասին, որ Եւրոպայի մէջ սովորական զինուած ուժերու մասին պայմանագիրը եւ Վիեննայի 2011 թուականի փաստաթուղթը չեն հանդիսանար զսպող գործօններ, ինչ որ կ՛առաջնորդէ սպառազինութիւններու մրցավազքի:
Կողմերը քննարկեցին նաեւ Հայաստանի պաշտպանական բարեփոխումներու ուղղութեամբ ԵԱՀԿ-ի ծիրին մէջ կատարուող մարդու իրաւունքներու, վարքագիծի, թափանցիկութեան, բանակ-հասարակութիւն կապի եւ այլ ծրագիրներու իրականացման վերաբերող հարցեր:

LEAVE A REPLY

Please enter your comment!
Please enter your name here