ՓՈՒԹԻՆ ՄԷԿ ԱՄԻՍ ՊԱՅՄԱՆԱԺԱՄ ՏՈՒԱՒ ՈՒՔՐԱՆԻՈՅ ՝ ՄԱՐԵԼՈՒ ԿԱԶԻ ՊԱՐՏՔԸ

0
101

 

Ժընեւի մէջ երէկ  առաւօտեան կայացաւ Ուքրանիոյ, Միացեալ Նահանգներու, Ռուսիոյ եւ  Եւրոպական  Միութեան  պատուիրակութիւններու   քառակողմ   հանդիպում՝ Ուքրանիոյ  վերաբերեալ:  Նախքան    խորհրդաժողովը,  Սերկէյ Լաւրով   հանդիպում մը ունեցաւ  ամերիկացի իր պաշտօնակիցին Ճոն Քերրիի հետ:  Ռուսիա   մերժեց զինեալ ներխուժում  կազմակերպելու մասին  Ուքրանիոյ  եւ Արեւմտեան  երկիրներու   ամբաստանութիւնները:

 Միացեալ  Նահանգներու  պետական քարտուղարութեան խօսնակ Ճէյ Գառնի յայտարարեց, թէ  Սպիտակ տունը   համաձայն է արեւելեան  Ուքրանիոյ  մէջ ուժ  կիրառելու  Քիեւի որոշումին: Ուքրանիոյ   արտաքին  գործոց նախարարի պաշտօնակատար  Անտրէյ  Տեշչիա  յոյս  յայտնեց, որ  Եւրոպական Միութիւնը եւ  Միացեալ Նահանգները աւելի   համարձակ   քայլերու կը դիմեն Ռուսիոյ դէմ: Սակայն  Ուքրանիոյ  արտաքին գործոց  նախարարութեան  տեղեկատուութեան   բաժնի  տնօրէն Եւգենի  Փըրըպիյնիս    յայտարարեց, թէ  միայն սեփական ուժերու վրայ անհրաժեշտ  է  յոյս դնել՝ Ուքրանիոյ արեւելքի եւ հարաւի իրավիճակը  կայունացնելու  համար:

Ռուսիոյ նախագահ նախագահ  Վլատիմիր Փութին, լրագրողներու  հետ ունեցած աւանդական   հանդիպումին ընթացքին  դիտել տուաւ, թէ Ուքրանիոյ մէջ  կատարուածը  իշխանութիւններու  դէմ   յեղաշրջում  էր: Ան նշեց, թէ ռուսական զօրքեր գոյութիւն չունին  արեւելեան Ուքրանիոյ մէջ:  Փութին ըսաւ, թէ Քիեւի իշխանութիւնները մեծ սխալ  գործեցին, երբ  զէնքի դիմեցին  երկրին արեւելեան շրջաններուն մէջ: Փութին   նշեց, թէ Մոսկուա   շատ հաւանաբար  չճանչնայ  Ուքրանիոյ մէջ  նախատեսուող նախագահական  ընտրութիւններուն արդիւնքը: Ան նաեւ  մէկ ամիս պայմանաժամ տուաւ Ուքրանիոյ  նոր իշխանութիւններուն մարելու կազի պարտքը:

Գետնի վրայ, արեւելեան Ուքրանիոյ  բնակչութիւնը մտադրած է  Ռուսիոյ   միանալու  հանրաքուէի  թուական մը     ճշդել     յառաջիկայ  օրերուն:

Միացեալ Նահանգներու պետական քարտուղարութիւնը յայտարարեց, թէ  մինչեւ ամսագլուխ նոր պատժամիջոցներ  պիտի կիրառուին Ռուսիոյ դէմ:

LEAVE A REPLY

Please enter your comment!
Please enter your name here