ՏՕՆԱԿԱՆ ՕՐԵՐՈՒՆ ՊԻՏԻ ՅԱՋՈՐԴԷ ԸՆՏՐԱԿԱՆ ՏԱՔ ՇԱԲԱԹ ՄԸ

0
121

Տօնական  օրերու  նախօրէին,  նախագահական  ընտրութիւններու  սակարանին մէջ կը  լսուին տեսակաւոր  ձայներ: Սկզբունքով ,  լիբանանեան խորհրդարանը յառաջիկայ Չորեքշաբթի,  23  Ապրիլին  հրաւիրուած  է նախագահական  ընտրութեան  նիստի մը:   Լիբանանեան Ուժերը ներկայացնող  երեփոխան  Ժորժ Ատուան հաւաստեց, թէ Չորեքշաբթի օրուան նիստին   պիտի  գոյանանայ մեծամասնութիւն:  Լրատուական կարգ մը  աղբիւրներու համաձայն,  Մարտի  8-ի ուժերը կը պատրաստուին Էմիլ Ռահմէի  թեկնածութիւնը յայտարարել նախքան Չորեքշաբթի օրուան   նիստը: Միւս կողմէ,  Մարտ  14-ի  մէջ  կարգ մը  շրջանակներ կը յայտնեն, թէ  Ամին Ճեմայէլ   նոյնպէս  յաւակնութիւններ կը տածէ   նախագահութեան աթոռին:  Շատ   հաւանաբար, Փաղանգաւոր  Կուսակցութեան քաղաքական  դիւանը յառաջիկայ ժամերուն պաշտօնապէս  յայտարարէ  Ճեմայէլի  թեկնածութիւնը: Բացի  Ճեմայէլէն, կը յիշատակուին  Պութրոս Հարպի, Ռոպէր  Ղանէմի անունները:

 Ընկերվար Յառաջդիմական Կուսակցութեան շրջանակներ կը  յայտնեն, թէ Ճոմպլաթը  ներկայացնող երեսփոխանները պիտի  չքուէարկեն Սամիր Ժաաժային եւ Միշէլ Աունին:  Մարոնիներու Պշարա Ռայի գարտինալը  հեռախօսազրոյց մը ունեցաւ Սամիր Ժաաժայի հետ եւ  շնորհաւորեց  Ժաաժան՝  նախագահական ընտրութիւններուն   թեկնածութիւնը առաջադրելու, ինչպէս նաեւ  «Հզօր  Հանրապետութիւն»  կարգախօսի տակ նախագահական ծրագիրը ներկայացնելու  առիթով:

Խորհրդարանի նախագահ Նեպիհ Պըրրի  դիտել տուաւ, թէ  Մարտ 8-ի ուժերը  պիտի ունենան մէկ թեկնածու, որ շատ հաւանաբար ըլլայ  Միշէլ Աունը: Աուն  նախապայման  կը դնէ  ներկայացուելու իբրեւ համախոհական թեկնածու, այլապէս՝  պիտի   մերժէ առաջադրել թեկնածութիւնը:   Հըզպալլայի աղբիւրներ կը  յայտնեն, թէ   Միշէլ Աունի ընտրական ծրագիրին ծանօթանալէ   ետք, պիտի որոշեն  իրենց  թեկնածուին անունը: Մարատա  Հոսանքի   մօտիկ աղբիւրներ յայտնեցին, թէ  Սըլէյման Ֆրանճիյէ  պիտի չառաջադրէ իր  թեկնածութիւնը Չորեքշաբթի  օրուան նիստին: Մուսթաքպալ  Հոսանքի անդամ, երեսփոխան    Սամիր Ճըսր ՝ Սաատ  Հարիրիի մասնակցութեան մասին  անուղղակի նշում մը  կատարեց , Չորեքշաբթի օրուան նիստին: 

Քաղաքական   վերլուծաբաններ կը յայտնեն, թէ  յոռեգոյն պարագային, երբ  պարապութիւն   գոյանայ  նախագահական աթոռին վրայ, խորհրդարանի պաշտօնավարութեան  ժամկէտը  կրնայ երկարաձգուի մինչեւ 2015-ի Աշունը:

Հեռու  ընտրական մթնոլորտէն, հանրապետութեան նախագահ Միշէլ Սըլէյման Քասլիքի  համալսարանին  մէջ մասնակցեցաւ Յիսուսի խաչելութեան արարողութեան առիթով  մատուցուած պատարագին:

 

LEAVE A REPLY

Please enter your comment!
Please enter your name here