ՆԱԽԱԳԱՀ ՀՈԼԱՆՏ ԱՆԲԱՒԱՐԱՐ ԿԸ ՆԿԱՏԷ ՀԱՅՈՑ ՑԵՂԱՍՊԱՆՈՒԹԵԱՆ ՀԱՐՑՈՎ ԹՈՒՐՔԻՈՅ ԿԵՑՈՒԱԾՔԸ

0
102

Ֆրանսայի  նախագահ Ֆրանսուա Հոլանտ, որ    24  Ապրիլ 2015-ին,  Երեւանի մէջ  պիտի  մասնակցի Հայոց Ցեղասպանութեան   հարիւրամեակին  նուիրուած ոգեկոչման   սգահանդէսներուն,  Փարիզի մէջ,  Հայոց  Ցեղասպանութեան  99-րդ  տարելիցին  առիթով  կազմակերպուած հանդիսութեան խօսք առնելով,  յայտարարեց թէ    12  Մայիսին պաշտօնական այցելութիւն մը պիտի  կատարէ  Հայաստան: Հոլանտ, Փարիզի  «Երեւան» այգիին մէջ հաւաքուած հազարաւոր մարդոց ծափողջոյններուն  տակ  արտասանած իր խօսքին մէջ,ակնարկելով  Թուրքիոյ  վարչապետին  լարախաղացութեան ըսաւ.« Այդ  ողբերգութիւնը ունի անուն,  միակ անուանումը Ցեղասպանութիւն է:  Այլ անուանում չկայ»:

Հոլանտ աւելցուց, թէ յառաջիկայ տարի  24 Ապրիլի  օրը  պիտի գտնուի Երեւան՝ յիշատակի պարտքը  կատարելու  եւ համայն աշխարհի մէջ  Հայոց Ցեղասպանութեան  ճանաչման  ուղղութեամբ  աշխատելու նպատակով: Հոլանտ  յայտնեց, թէ  Թուրքիոյ վարչապետին  յայտարարութիւնը  յառաջընթաց է, սակայն՝  անբաւարար:

LEAVE A REPLY

Please enter your comment!
Please enter your name here