Ն.Ս.Օ.Տ.Տ. ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԳԵՐՄԱՆ ԵՊԻՍԿՈՊՈՍՆԵՐԷ ԲԱՂԿԱՑԱԾ ՊԱՏՈԻԻՐԱԿՈՒԹԻՒՆ ՄԸ

0
120

Երէկ առաւօտ, Ն.Ս.Օ.Տ.Տ. Արամ Ա. Կաթողիկոս Վեհարանի դահլիճին մէջ ընդունեց Գերմանիոյ Կաթոլիկ Եկեղեցին ներկայացնող պատուիրակութիւն մը` նախագահութեամբ Լութֆիկ Շինկ Արքեպիսկոպոսին: Յիշեալ պատուիրակութեան այցելութեան նպատակն էր մօտէն տեղեակ դառնալ Միջին Արեւելքէն ներս քրիստոնեայ համայնքներու դիմագրաւած դժուարութիւններուն:

Ողջունելով Գերմանիոյ Կաթոլիկ եկեղեցւոյ այս նախաձեռնութիւնը, Վեհափառ Հայրապետը լայնօրէն պարզեց շրջանէն ներս տեղի ունեցող նոր զարգացումները, յատկապէս ծանրանալով քրիստոնեայ համայնքներու դիմագրաւած մարտահրաւէրներուն վրայ: Այս ծիրէն ներս Վեհափառ Հայրապետը շեշտեց քրիստոնէական ներքին միասնականութիւնը ամրապնդելու եւ համայնքներու նիւթական օժանդակութիւն հայթայթելու անյետաձգելի անհրաժեշտութիւնը: Ապա Վեհափառը անդրադարձաւ հայ համայնքի ու յատկապէս Սուրիոյ մէջ մեր ժողովուրդի զաւակներուն դժուարութիւններուն ու մտահոգութիւններուն:

 

Հանդիպումը նաեւ առիթ մը հանդիսացաւ վերաշեշտելու Մեծի Տանն Կիլիկիոյ

Կաթողիկոսութեան եւ գերմանական եկեղեցիներու յարաբերութիւնը աւելի ծաւալելու

հրամայականը, յատկապէս Հայոց ցեղասպանութեան 100-ամեակի սեմին:

 

LEAVE A REPLY

Please enter your comment!
Please enter your name here