ԺԱԱԺԱ ԿԸ ԶԳՈՒՇԱՑՆԷ՝ ՆԱԽԱԳԱՀԱԿԱՆ ԳՈՐԾԸՆԹԱՑԸ ՎՏԱՆԳԻ ՄԱՏՆՈՒԱԾ Է

0
110

Լիբանանի նախագահութեան Մարտ  14-ի ուժերու  թեկնածու, Լիբանանեան Ուժեր Կուսակցութեան  գործադիր խորհուրդի պետ  Սամիր Ժաաժա  երէկ   կէսօրին  կնքեց մամլոյ ասուլիս մը  եւ զգուշացուց   ընտրական     գործընթացին  դիմակալած   դժուարութիւններէն: Ժաաժա  ընդգծեց, թէ  խորհրդարանի անցեալ Չորեքշաբթի օրուան նիստին  ընթացքին   քուէատուփին մէջ  նետուած  ճերմակ թուղթերը կը միտէին խանգարելու ընտրութիւններու ընթացքը:  Ժաաժա  մտավախութիւն  յայտնեց խորհրդարանի վաղուան  նիստին  ընթացքին միեւնոյն սենարիոյի կրկնութենէն:  Ան  դատապարտեց   ընտրութիւնները  ձախողութեան մատնելու Մարտ  8-ի ուժերուն     ռազմավարութիւնը, զգուշացնելով  որ  երկիրը վտանգաւոր կացութիւն մը  պիտի  թեւակոխէ կացութիւնը անփոփոխ մնալու պարագային: Ժաաժա ըսաւ, թէ  Մարտ  8-ի ուժերը կը փորձեն  շրջանային եւ  միջազգային ճնշումներու ապաւինելով  նախագահութեան աթոռին վրայ  բերելու  Լիբանանի շահերուն չհամապատասխանող նախագահ մը. «Մօտաւորապէս ինը տարիներէ  իվեր,  Մարտ 14-ի ուժերը կ’ենթարկուին ոճիրներու,  բռնութեան: Արդարացի պիտի  ըլլար, որ անոնք  ճերմակ թուղթ  նետէին քուէատուփերուն մէջ, սակայն  Մարտ 14-ի ուժերը  թեկնածուով կը ներկայանան  ընտրութիւններուն».ըսաւ Ժաաժա, աւելցնելով որ  նիստի  օրինականութեան  համար  սահմանուած   թուաքանակը գործընթացը  դիւրացնելու կը միտի եւ  ոչ՝  խանգարելու:

LEAVE A REPLY

Please enter your comment!
Please enter your name here