Կայացաւ ՀՀ Սփիւռքի Նախարարին Կից Ատեանի Նիստը

0
123

Ապրիլ 25-ին ՀՀ սփիւռքի նախարար Հրանոյշ Յակոբեանի ղեկավարութեամբ կայացաւ նախարարին կից ատեանի նիստը:

Համահայկական ծրագիրներու վարչութեան պետ Ա.Անդրէասեան ներկայացուց «Սփիւռք» ամառնային դպրոց 2014թ ծրագիրի նախապատրաստական աշխատանքները: Ան նշեց, որ ծրագիրի նպատակը հայապահպանութեան խթանումն է հայոց լեզուի ուսուցման, սփիւռքի հայկական կառոյցներու ներկայացուցիչներու մասնագիտական որակներու բարձրացման միջոցով, կ’իրականացուի 2012 թուականէն, եւ տարիէ տարի կ’ընդլայնուի մասնակիցներու թիւն ու երկիրներու աշխարհագրութիւնը: ՀՀ վարչապետի որոշմամբ սփիւռքի նախարարութեան «Արի տուն» եւ «Իմ Հայաստան» ծրագիրներու հետ մէկտեղ ստեղծուած է նաեւ «Սփիւռք» ամառնային դպրոց ծրագիրները համակարգող յանձնաժողով: Ծրագիրը կ’իրականացուի Երեւանի պետական համալսարանի հետ համատեղ եւ կը ներառէ հայոց լեզուի արագացուած ուսուցում, Սփիւռքի ուսուցիչներու վերապատրաստում, ազգային երգի ու պարի, սփիւռքահայ երիտասարդ առաջնորդներու, Սփիւռքի լրագրողներու եւ Սփիւռքի համայնքային գործի կազմակերպիչներու դասընթացներ: 2014թ նախատեսուած է 140 սփիւռքահայու մասնակցութիւն: Հաստատուած է ծրագիրի իրականացման ժամանակացոյցը` ըստ դասընթացներու: Ծրագիրի տեղեկատուական ծրարը, մասնակցութեան յայտաձեւերը ուղարկուած են սփիւռքեան համայնքներ: Բոլոր դասընթացներու մասնակիցներուն համար, բացի տեսական ու գործնական պարապմունքներէն, կը կազմակերպուին մշակութային ձեռնարկներ, այցելութիւններ, որու ծախսերը կը հոգայ ՀՀ սփիւռքի նախարարութիւնը:

Օրակարգին համաձայն Հայոց ցեղասպանութեան 100-րդ տարելիցին նուիրուած ձեռնարկները համակարգող տարա­ծաշրջանային յանձնախումբերու նախագահներու  համաժողովի նախապատրաստական աշխատանքներու վերաբերեալ զեկոյցով հանդէս եկաւ Հայրենադարձութեան եւ հետազօտութիւններու վարչութեան պետ Գ. Արշակեան: ՀՀ Նախագահի 2011թ. ապրիլ 23-ի ՆՀ-67-ա Հայոց ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողով ստեղծելու մասին հրամանագիրով ՀՀ սփիւռքի նախարարութեան վերապահուած է Հայոց ցեղասպանութեան 100-րդ տարելիցին նուիրուած ձեռնարկները համակարգող տարածաշրջանային յանձնախումբերու ձեւաւորման, պետական յանձնաժողովի հետ ատոնց արդիւնաւէտ փոխգործակցութեան աջակցումը:  Համաժողովը պիտի կայանայ 2014թ մայիս 26-ին Երեւան: Արտերկրի մէջ գործող մօտ 44 տարածաշրջանային յանձնախումբերէ կը նախատեսուի հիւրընկալել մինչեւ 50 մասնակից:

ՀՀ սփիւռքի նախարարութեան աշխատակազմի իրաւաբանական վարչութեան կատարած աշխատանքներուն մասին զեկուցեց վարչութեան պետ Լ. Ծատուրեան: Նշուեցաւ ՀՀ Նախագահի` 2013թ հոկտեմբերի 22-ի ՆՀ-277-ն հրամանագիրի մասին, որով ՀՀ սփիւռքի նախարարութիւնը ճանչցուեցաւ գլխադասային մարմին հայկական սփիւռքի հետ յարաբերութիւններու բնագաւառներուն մէջ, որ կը համակարգէ Հայաստան-Սփիւռք գործակցութեան իրականացումը, կ’ամփոփէ եւ կը գնահատէ Հայաստան-Սփիւռք գործակցութեան զարգացման ուղղուած գործառոյթներու կատարման վերաբերեալ տեղեկանքները եւ տեղեկատուութիւնը: Ներկայացուեցան 2013 թուականի յուլիս 1-էն մինչեւ 2014 թուականի մարտ 30 ինկած ժամանակահատուածին  սփիւռքի նախարարութեան կողմէ մշակուած եւ ՀՀ կառավարութեան կողմէ ընդունուած իրաւական գործերը, նախարարութեան կողմէ կնքուած պայմանագիրները, նախարարի հրամանի նախագիծերը եւ այլ իրաւական գործերու նախապատրաստումը: Ներկայացուեցաւ նաեւ Հայաստան տեղափոխուած սուրիահայերու իրաւական կարգավիճակի, անձնագիրներու, մուտքի արտօնագիրներու ձեռքբերման, մեքենաներու մաքսազերծման եւ այլ խնդիրներու վերաբերող օրէնսդրական փոփոխութիւններու կատարման ընթացքը:

Քննարկուեցան ծրագիրներու իրականացման կազմակերպական եւ այլ ընթացիկ հարցեր: Հրանոյշ Յակոբեան ներկայացուց ապրիլ ամսուն ՀՀ սփիւռքի նախարարութեան կատարած աշխատանքները:

Ամփոփելով նիստը` նախարար Հրանոյշ Յակոբեան ներկայացուց նաեւ Հայոց ցեղասպանութեան 99-րդ տարելիցին սփիւռքի հայկական համայնքներուն մէջ իրականացուած յիշատակի ձեռնարկները:

LEAVE A REPLY

Please enter your comment!
Please enter your name here