ՔԵՐՐԻ ԻՍՐԱՅԷԼԸ ԿԸ ԶԳՈՒՇԱՑՆԷ ՑԵՂԱՊԱՇՏԱԿԱՆ ՊԵՏՈՒԹԻՒՆ ՄԸ ԴԱՌՆԱԼՈՒ ՍՊԱՌՆԱԼԻՔԷՆ

0
102

Միացեալ Նահանգներու  պետական   քարտուղար  Ճոն Քերրի  Իսրայէլը զգուշացուց   ցեղային  խտրականութեան խորհրդանիշ  մը   դառնալու   սպառնալիքէն,  եթէ  մերժէ   պաղեստինցիներու հետ երկու  պետութեան  լուծումի  տարբերակը: Քերրիի  օգտագործած   սահմանումը  բաւական   ծանր   կացութեան  մատնեց    իսրայէլեան  կառավարութիւնը, այսուհանդերձ, վարչապետ  Պենիամին Նեթանիահու    դարձեալ   քննադատեց   ՖԱԹՀ-ի եւ Համասի  միջեւ գոյացած հաշտութիւնը եւ մերժեց   բանակցութիւններու սեղան նստիլ   պաղեստինցիներու հետ:  Նեթանիահու   մերժեց  Մահմուտ Ապպասը ճանչնալ իբրեւ  խաղաղութեան  գործընկեր:

Միւս կողմէ, Պաղեստինեան  Իշխանութեան   նախագահ Մահմուտ Ապպաս  յայտարարեց, թէ  տակաւին   հետաքրքրուած է  Իսրայէլի  հետ  խաղաղութեան  բանակցութիւնները  շարունակելու   գործընթացով:  Ապպաս  դիտել տուաւ, որ պաղեստինցիները   երբեք պիտի  չճանչնան Իսրայէլը, իբրեւ  Եբրայական պետութիւն: Ապպաս  նաեւ դատապարտեց  Ողջակիզումը, զայն   բնորոշելով իբրեւ «ամենասարսափելի   յանցագործութիւն»:

LEAVE A REPLY

Please enter your comment!
Please enter your name here