ԵՈՒՎԵՆԹՈՒՍ ԻՏԱԼԻՈՅ ԱԽՈՅԵԱՆ

0
163

 Իտալիոյ  ֆութպոլի ախոյեանութեան  35-րդ  հանգրուանի մրցումներուն գծով, Եուվենթուս  3-1 արդիւնքով պարտութեան մատնեց   Սասուլոյին եւ  շահեցաւ  ընթացիկ  տարուան ախոյեանութեան տիտղոսը:  Գարլոս  Թեվէս,  Գլաուտիօ Մարքիզիօ եւ  Ֆեռնանտօ Լիորենթէ  նշանակեցին  Իտալիոյ ախոյեաններուն կոլերը:

Անգլիոյ  ֆութպոլի ախոյեանութեան 36-րդ  հանգրուանի մրցումներուն գծով,  Արսենալ  3-0 արդիւնքով  պարտութեան մատնեց Նիուքասլ Եունայթըտը:  Քոսելնի,  Օզիլ եւ  Ժիրու  նշանակեցին «Կանըրզ»ներուն  կոլերը: Շնորհիւ սոյն   յաղթանակին,  Արսէն Ուենկէրի  խումբը  ամրապնդեց   ընդհանուր դասաւորման չորրորդ  դիրքը գրաւելու  իր  յոյսերը, միաժամանակ ապահովեց  յառաջիկայ   տարեշրջանին Եւրոպայի Ախոյեան Ակումբներու Ախոյեանութեան «Չեմփիընզ Լիկ» բաժակին մասնակցելու  ուղեգիրը:

Եւրոպական ֆութպոլի  շրջանակներուն մէջ մնալով,  Լորան Պլան  մտադրած է նոր պայմանագրութիւն մը ստորագրել  Փարի Սէն Ժերմէնի հետ: Ֆրանսացի մասնագէտը  սկզբունքով մինչեւ 2016  պիտի մնայ   փարիզեան խումբին  հետ:

LEAVE A REPLY

Please enter your comment!
Please enter your name here