ԵՒՐՈՊԱԿԱՆ ՄԻՈՒԹԻՒՆԸ ՆՈՐ ՊԱՏԺԱՄԻՋՈՑՆԵՐ ՀԱՍՏԱՏԵՑ ՌՈՒՍ ՊԱՇՏՕՆԱԿԱՏԱՐՆԵՐՈՒ ԴԷՄ

0
133

Եւրոպական Միութիւնը նոր պատժամիջոցներ   հաստատեց  15  ռուս պաշտօնակատարներու դէմ, որոնց մէջ՝  բանակի   ընդհանուր հրամանատարը  եւ գաղտնի սպասարկութեան  պետը:  Ռուսիոյ արտաքին գործոց նախարարութիւնը  յայտարարեց, թէ արեւմուտքը կ’անտեսէ   գետնի վրայ   գոյութիւն  ունեցող  իրողութիւնները:

Միացեալ Նահանգներու  պետական  քարտուղար   Ճոն Քերրի  ըսաւ, թէ նախագահ  Վլատիմիր Փութին  սեփական իրականութիւն կը փորձէ ստեղծել Ուքրանիոյ մէջ:  Քերրի   յայտնեց, թէ Փութին կը ստեղծէ աշխարհի սեփական տեսակը:  Այսուհանդերձ, ան մերժեց ռազմական  օժանդակութիւն տրամադրել   Ուքրանիոյ  նոր իշխանութիւններուն:

Ռուսիոյ  պաշտպանութեան  նախարար  Սերկէյ   Շոյքու  յայտարարեց, թէ  Մոսկուա մտադրութիւն չունի  ներխուժելու Ուքրանիա:  Շոյքու  հեռաձայնային  հաղորդակցութիւն մը ունեցաւ  Միացեալ Նահանգներու  իր պաշտօնակիցին Չաք Հէյկըլի հետ  եւ   փոխանցեց, թէ Մոսկուա ուժ  կիրառելու  տրամադրութիւն չունի, անզէն բնակիչներու  դէմ:

Գերմանիոյ արտաքին գործոց նախարար Ֆրանք Վալթէր  Շթայնմայէր  ըսաւ, թէ Ուքրանիոյ մէջ  ռազմական  գործողութեան սպառնալիքը կը  սարսափեցնէ Եւրոպան:

LEAVE A REPLY

Please enter your comment!
Please enter your name here