ԷՐՏՈՂԱՆ ՆՈՊԷԼԵԱՆ ԽԱՂԱՂՈՒԹԵԱՆ ՄՐՑԱՆԱԿԻ ԹԵԿՆԱԾՈՒ…

0
154

Թուրքիոյ հայ համայնքի ներկայացուցիչներէն Պետրոս Շիրինօղլու առաջարկած է Թուրքիոյ վարչապետ Ռեճէպ Թայիփ Էրտողանը թեկնածու ներկայացնել Նոպէլեան Խաղաղութեան մրցանակի՝ հայերուն ցաւակցութիւն յայտնելու քայլին համար:
Ըստ ռուսական «Ռիա Նովոսթի»ին՝ Էրտողանի յայտարարութիւնը Սփիւռքի որոշ շրջանակներու մէջ նկատուած է հաշտութեան ուղղութեամբ առնուած կարեւոր քայլ:
«Հարկաւոր է սատարել Անգարայի հաշտութեան ձգտումին: Այդ ճանապարհով Էրտողան կրնայ ապագային Նոպէլեան մրցանակի թեկնածու դառնալ», ըսած է Շիրինօղլու:
Շիրինօղլուի համաձայն՝ հայերը նոյնպէս պէտք է ներողութիւն խնդրեն թուրքերէն, հարիւր տարի առաջ տեղի ունեցած իրադարձութիւններուն համար: «Եթէ հաշտութեան այս քայլերը դառնան միտում եւ գործընթացը աւարտի երկու հին բարեկամներու հաշտութեամբ, ան իսկապէս արժանի պիտի ըլլայ Նոպէլեան մրցանակի», ըսած է Շիրինօղլու՝ ըստ թրքական «Անատոլու» լրատու գործակալութեան:
Այս նախաձեռնութեան համաձայն գտնուած են թուրք յայտնի սիւնակագիր Մարգար Եսայեանը եւ Հանդուրժողականութեան հայկական համաշխարհային ակումբի ղեկավար Ճերի Խրիմեանը:
Էրտողանի յայտարարութիւնը դրականօրէն գնահատած է նաեւ Հայ առաքելական եկեղեցւոյ Պոլսոյ պատրիարքարանի առաջնորդի պաշտօնակատար Արամ արք. Աթէշեանը՝ ըսելով. «Մենք կ՛ողջունենք մեր ցաւը մեղմող ցաւակցութիւնները»:

LEAVE A REPLY

Please enter your comment!
Please enter your name here