ՍԵՆՏԻՔԱՅԱԿԱՆ ՀԱՄԱԿԱՐԳՈՒՄԻ ԽՈՐՀՈՒՐԴԸ ՄԱԳԼՑՈՂԱԿԱՆ ՆԱԽԱՊԱՏՐԱՍՏՈՒԹԻՒՆՆԵՐՈՒ ԿՈՉ ՈՒՂՂԵՑ

0
212

 Ընդառաջելով  սենտիքայական  համակարգումի խորհուրդին կոչին,  Լիբանանի տարբեր շրջաններու մէջ գործադրուեցաւ  դասադուլ – գործադուլ մը: Լիբանանի  կրթական  մարզը եւ պետական հաստատութիւններու մեծամասնութիւնը  ընդառաջեցին  գործադուլի  կոչին:  Բողոքի հիմնական  հաւաքը  տեղի ունեցաւ  Կեդրոնական Դրամատան առջեւ,ուր հոծ բազմութեան մը ներկայութեան,  ուսուցիչներու սենտիքայի խորհուրդի նախագահ Նաամէ Մահֆուտ՝  «դեմոկրատական  ամուսնութիւն»   բնութագրումը տուաւ  բողոքի   ցոյցին:  Ան սպառնաց   ժողովրդային  պայթումի  միջոցով   վար առնել բոլորին: Ցուցարարները Կեդրոնական Դրամատունէն    քալեցին   Ռիատ Սոլհ հրապարակի ուղղութեամբ: Այստեղ յաջորդական խօսք  առին սենտիքայի   կարգ մը անդամներ:  Նաամէ Մահֆուտ  ըսաւ,թէ  աշխատավարձերու  յաւելման օրինագիծը   մահացած էր, նախքան անոր  ծնունդը: Ան  սպառնաց  մեծ պայթումէ  մը՝  օրինագիծը մշակուած տեսքով  քննարկութեան դրուելու պարագային:

Պետական պաշտօնեաներու խորհուրդի նախագահ Մահմուտ Հայտար   մերժեց յաւելումները համեստ   ժողովուրդին  հաշւոյն կատարելու  տրամադրութիւնները: Հայտար  մագլցողական  քայլերու պատրաստուելու կոչ ուղղեց  ուսուցիչներուն եւ պետական պաշտօնեաներուն:

Մուսթաքպալ Հոսանքի անդամ,երեսփոխան Ղազի Եուսէֆ  յայտարարեց, թէ   խորհրդարանական յանձնախումբը մինչեւ Ուրբաթ աւարտած պիտի  ըլլայ  աշխատավարձերու յաւելման  օրինագիծը:  Աշխատանքի նախարար Սըժաան Ղազի աշխատաւորներուն  «ժողովրդավարական իրաւունքը» նկատեց   ցոյցերը: Ան խոստացաւ արդար լուծում մը գտնել աշխատավարձերու յաւելման  պահանջին:

LEAVE A REPLY

Please enter your comment!
Please enter your name here