ՈՒՔՐԱՆԻԱ ՅԱՒԵԼԵԱԼ ԶՕՐՔ Կ’ՈՒՂԱՐԿԷ ԵՐԿՐԻՆ ՀԱՐԱՒԱՐԵՒԵԼԵԱՆ ՇՐՋԱՆՆԵՐԸ

0
126

 Հակառակ շաբաթավերջին  Օտեսայի  մէջ պատահած արիւնահոսութեան,որուն  զոհ  դարձանաւելի քան  քառասուն անմեղ քաղաքացիներ, Ուքրանիոյ բանակը  յաւելեալ զօրք կը  կուտակէ երկրին  հարաւարեւելեան  շրջաններուն մէջ: Ռուսիա  պաշտռնական  բողոք ներկայացուց ՄԱԿ-ին, պահանջելով դատապարտել   արեւելեան Ուքրանիոյ մէջ  ուքրանական  բանակին վայրագութիւնները:

Ռուսիոյ  խորհրդարանը   պաշտօնական հայց ներկայացուց Եւրոպական Դատարանին՝   խաղաղ  բնակիչներու դէմ Ուքրանիոյ  իշխանութիւններուն  կիրարկած վայրագութիւններուն  համար:  Ուքրանիոյ վարչապետ Արսէնի  Եասինիուք   խոստովանեցաւ,թէ  ոստիկանութիւնը  կը  կրէ Օտեսայի  մէջ  պատահած  վայրագութիւններուն պատասխանատուութիւնը:  Ռուսիոյ  խորհրդարանի խորհուրդի նախագահ   Ալեքսի  Պոշքով   ըսաւ,  Քիւեւի նոր  իշխանութիւնները կը քանդեն  Ուքրանիան:

 Քիեւի մօտ Միացեալ Նահանգներու  դեսպան  Ճէօֆրի  Փիաթ  հաւաստեց, թէ  Ռուսիոյ  ոչ մէկ  ձեւով   միջամուխ   չէր դարձած Օտեսայի  միջադէպերուն: ԵԱՀԿ-ի նախագահ, Զուիցերիոյ նախագահ Տիտիէ Պուրխալթըր  վաղը՝  Չորեքշաբթի պիտի  ժամանէ   Մոսկուա  եւ քննարկէ  Ուքրանիոյ   իրավիճակը:  Միւս կողմէ,  Գերմանիոյ  վարչապետ Անկելա  Մերքէլ   հեռաձայնային զրոյց մը ունեցաւ նախագահ  Վլատիմիր Փութինի հետ եւ  քննարկեց Ուքրանիոյ  կացութիւնը:  Ռուսիոյ արտաքին գործոց նախարարութիւնը  հետաքննութիւն մը պահանջեց հարաւարեւելեան  Ուքրանիոյ ապահովական  միջադէպերուն շուրջ:

Միւս  կողմէ, զինեալներ, երէկ  յարձակեցան «Փատքիվշչինա»  Կուսակցութեան   գրասենեակը եւ  հրդեհեցին  « Փրիվատ Պանք»ի  շէնքը: Անյայտ անձիք  քանդեցին Օտեսայի  Փրիմորսքայա    թաղամասին   կազի խողովակը:

Ռուսիոյ արտաքին գործոց նախարար Սերկէյ Լաւրով մեկնեցաւ  Վիեննա, ուր պիտի  մասնակցի Ուքրնիոյ տագնապը քննարկող  Եւրոպական Խորհուրդի  արտաքին  գործոց նախարարներու խորհրդաժողովին:

LEAVE A REPLY

Please enter your comment!
Please enter your name here