ԱՐՑԱԽԻ ԱՐՏԱՔԻՆ ԳՈՐԾՈՑ ՆԱԽԱՐԱՐՈՒԹԻՒՆԸ ԿԸ ՊԱՏԱՍԽԱՆԷ ՈՒՈՐԼԻՔԻՆ՝ ՄԵՐ ԴԻՐՔՈՐՈՇՈՒՄԸ ԿԸ ՄՆԱՅ ԱՆՓՈՓՈԽ

0
112

Մեկնաբանելով Լեռնային Ղարաբաղի վերաբերեալ ԵԱՀԿ Մինսքի   ամերիկացի համանախագահ Ճէյմս Ուորլիքի Ուաշինկթընի մէջ ունեցած ելոյթը, Լեռնային Ղարաբաղի արտաքին գործոց նախարարութիւնը լոյս ընծայեց ստորեւ լոյս տեսնող լուսաբանութիւնը.« Դէպի անցեալ վերադարձի մասին խօսք անգամ չի կրնար ըլլալ: Լեռնային Ղարաբաղի ճակատագիրը որոշուած է անոր ժողովուրդին կողմէ, 1991-ին անկախութեան հանրաքուէի ժամանակ՝ ազատ եւ   իրաւական կամաարտայայտութեան միջոցով: ԼՂՀ անկախութիւնն ու անվտանգութիւնը բացառիկ արժէքներ են, որոնք   ենթակայ չեն որեւէ սակարկութեան: Մենք կը գտնենք, որ ԵԱՀԿ Մինսքի խումբի   համանախագահներու համատեղ   ջանքերը պէտք է կեդրոնացուին կարգաւորման այնպիսի մեխանիզմներու մշակման վրայ, որոնք հաշուի առնելով առկայ իրողութիւնները, պայմաններ կ’ապահովեն ԽՍՀՄ փլուզման եւ Ատրպէյճանի կողմէ սանձազերծուած պատերազմի արդիւնքով ստեղծուած երկու անկախ պետութիւններու՝ Լեռնային Ղարաբաղի Հանրապետութեան եւ Ատրպէյճանի խաղաղ գոյակցութեան համար». ըսուած է յայտարարութեան   մէջ:

LEAVE A REPLY

Please enter your comment!
Please enter your name here