ԼԻԲԱՆԱՆԵԱՆ ԿԱՐՃ ԼՈՒՐԵՐ

0
121

–         Առ ի յստակացում դէպի Երուսաղէմ կատարելիք ուղեւորութեան, մարոնիներու Պշարա Ռայի գարտինալը   յայտարարեց, թէ պիտի չայցելէ Ճեպէլ Հերցէլ: Նշենք,թէ Ռայի գարտինալը անձնական նախաձեռնութեամբ, Հռոմի Ֆրանսիսկոս Ա. Պապին Երուսաղէմ կատարելիք ուղեւորութեան ընթացքին պիտի այցելէ Երուսաղէմ:

–         Արդարադատութեան նախարար Աշրաֆ Ռիֆի՝ օրէնքի եւ իրաւունքի պաշտպանութեան, ինչպէս նաեւ նահատակներու յիշատակին հաւատարմութիւն յայտնեց: Ռիֆի   ընդգծեց, թէ կառավարութիւնը պիտի շարունակէ նշանակումներու գործընթացը:

–         Հանրապետութեան նախագահ Միշէլ Սըլէյման պաշտօնական մեկնաբանութիւն մը կը պահանջէ Իրանէն՝ Իրանի   իսլամական յեղափոխութեան հոգեւոր առաջնորդի խորհրդական, հազարապետ Եահիա Սաֆուիի այն   յայտարարութեան շուրջ, թէ՝ Իրանի սահմանները հարաւային Լիբանանի մէջ կ’աւարտին: Պատասխանը կ’ակնկալուի որ   փոխանցուի Լիբանանի մօտ Իրանի դեսպանին կամ Իրանի արտաքին   գործոց նախարարութեան միջոցով:

–         Միացեալ Ազգերու Կազմակերպութեան մարդասիրական ծառայութիւններու գրասենեակը լիբանանցի պատասխանատուներու հետ լրջօրէն կը քննարկէ սուրիացի գաղթականներու համար նոր գաղթակայաններ   հիմնելու կարելիութիւնները: Միջազգային կազմակերպութիւնը մտահոգուած է յատկապէս սուրիացի ապաստանեալներու ընկերային եւ առողջապահական պայմաններով:

 

LEAVE A REPLY

Please enter your comment!
Please enter your name here