ԱՐԵՒՄՈՒՏՔԸ ԿԸ ՄԵՐԺԷ ՃԱՆՉՆԱԼ ՏՈՆԵՑՔԻ ԵՒ ԼՈՒԿԱՆՍՔԻ ՀԱՆՐԱՔՈՒԷՆԵՐՈՒՆ ԱՐԴԻՒՆՔԸ

0
108

Կիրակի առաւօտեան ժամը   եօթէն   մինչեւ երեկոյեան ժամը վեց, արեւելեան Ուքրանիոյ Տոնեցքի եւ Լուկանսքի մարզի բնակիչները  հանրաքւոէի միջոցով   հաստատեցին Ռուսիոյ միանալու իրենց ցանկութիւնը:   Լուկանսքի բնակչութեան 96-2 առ հարիւրը քուէարկեց ի նպաստ Ռուսիոյ միացումին: Քրեմլին յայտարարեց, թէ պիտի ճանչնայ   Տոնեցքի եւ Լուկանսքի   հանրաքուէներուն արդիւնքը: Աւելի ուշ, Ռուսիոյ նախագահ Վլատիմիր Փութին յայտարարեց, թէ Տոնեցքի եւ Լուկանսքի կարգավիճակին վերաբերեալ   հանրաքուէի   հանդէպ վերաբերմունքը   պիտի   յայտնէ հանրաքուէի արդիւնքները ամփոփուելէ ետք: Ռուսիոյ նախագահութեան մամլոյ քարտուղար Տիմիթրի   Փեսքով բացարձակ   յիմարութիւն անուանեց Ռուսիոյ հասցէին Միացեալ Նահանգներու եւ Եւրոպայի ակնարկները: Միացեալ Նահանգներու պաշտպանութեան նախարար Չաք Հէյկըլ դիտել տուաւ, որ Ռուսիա կը շարունակէ ինքնամեկուսացումը:

Քիեւի նոր իշխանութիւնները յայտարարեցին թէ կը մերժեն ճանչնալ հանրաքուէի արդիւնքները: Ուաշինկթըն, Լոնտոն, Փարիզ եւ այլ մայրաքաղաքներ   դատապարտեցին հանրաքուէն: Եւրոպական Միութիւնը նոյնպէս յայտարարեց, թէ պիտի մերժէ ճանչնալ   հանրաքուէին արդիւնքը: Առ ի պատասխան արեւմտեան   քննադատութիւններուն,Ռուսիոյ արտաքին գործոց նախարար Սերկէյ Լաւրով յայտարարեց, թէ   Ուքրանիոյ հակամարտութիւնը ոչ մէկ տեղ պիտի հասնի, առանց ընդդիմադիր կողմերու մասնակցութեան:

Միացեալ Նահանգներու նախկին պետական քարտուղար Հենրի Քիսինճըր դատապարտեց Վլատիմիր Փութինը Հիթլէրի նմանեցնելու փորձերը եւ խորհուրդ տուաւ վերջ դնելու անոր դէմ առճակատումին:

Միւս կողմէ,   Խորհրդային Միութեան նախկին վարչապետ Նիքիթա Խրուշչեւի զաւակը Սերկէյ Խրուշչեւ, Պուլկարիոյ հեռատեսիլէն ելոյթ մը ունենալով, դիտել տուաւ թէ՝   ուքրանացիները հանգիստ ձգելու պարագային, անոնք   կրնան խաղաղ   ճանապարհով լուծել իրենց ճգնաժամը: Իսկ եթէ արեւմուտքը սկսի խառնուիլ անոնց գործերուն, ապա արիւնահոսութիւն կրնայ տեղի ունենալ,   ինչպէս ներկայիս՝ Սուրիոյ մէջ: Խրուշչեւ նաեւ Պուլկարիայէն պահանջեց   հեռու մնալ Ուքրանիոյ   զարգացումներէն.«   Պուլկարիա բաւական լուրջ ներքին խնդիրներ ունի՝ այդ օտար եւ հեռաւոր խնդիրներուն համար».ըսաւ ան:

Գերմանիոյ արտաքին գործոց նախարար Ուոլթըր Շթայնմայէր այսօր՝ Երեքշաբթի պիտի ժամանէ Քիւեւ: Նշենք, թէ Գերմանիա, Չորեքշաբթի օր պիտի հովանաւորէ Ուքրանիոյ   տագնապին վերաբերեալ «Կլոր Սեղան» ը, ԵԱՀԿ-ի եւ ուքրանացի քաղաքական դէմքերու մասնակցութեամբ:

Ապահովական գետնի վրայ, ուքրանական բանակը ռմբակոծեց Սլաւիանսք   քաղաքը:

LEAVE A REPLY

Please enter your comment!
Please enter your name here