Բ.ՍԱՀԱԿԵԱՆ՝ ԱՏՐՊԷՅՃԱՆԸ ԵՒ ԼԵՌՆԱՅԻՆ ՂԱՐԱԲԱՂԸ ԿՐՆԱՆ ԳՈՅԱԿՑԻԼ՝ ԻԲՐԵՒ ԵՐԿՈՒ ԴՐԱՑԻ ԻՆՔՆԻՇԽԱՆ ՊԵՏՈՒԹԻՒՆՆԵՐ

0
115

Լեռնային Ղարաբաղի հանրապետութեան նախագահ Բակօ Սահակեան հարցազրոյց մը տուաւ լրատուական-վերլուծական գործակալութեան: Սահակեան, հաստատելով հանդերձ, թէ դժուար է գնահատել Ատրպէյճանի հետ կնքուած  հրադադարի   համաձայնագիրը, աւելցուց, թէ անիկա շատ բան տուած է ոչ միայն Լեռնային Ղարաբաղին,այլ նաեւ՝ տարածաշրջանին:

«Ամենէ կարեւորը, դադրած է պատերազմը, տասնեակ հազարաւոր մարդոց կեանքը փրկուած է: Խաղաղ կեանքը վերադարձած է: Արցախի հանրապետութիւնը պարտադրուած պատերազմի հետեւանքներէն աստիճանաբար վերականգնելու կարելիութիւն ստացած է: Մեր ժողովուրդը, Հայաստանի եւ Սփիւռքի օգնութեամբ յաջողած է   վերականգնել երկրին քայքայուած տնտեսութիւնը եւ վստահելի հիմք ստեղծել յառաջընթաց զարգացման համար».ըսաւ Սահակեան աւելցնելով.«   Ատրպէյճանա-շարաբաղեան   հակամարտութեան գօտին միակն է աշխարհի մէջ, ուր խաղաղութիւնը եւ կայունութիւնը   բացառապէս   հակամարտութեան կողմերը կ’ապահովեն: Կը կարծեմ, թէ սա շատ կարեւոր գործօն է, որ   ի թիւս այլոց, նաեւ վկայութիւն այն բանի,որ Ատրպէյճանը եւ Լեռնային Ղարաբաղը կրնան գոյակցիլ՝ իբրեւ երկու   դրացի  ինքնիշխան պետութիւններ: Տարածքային ամբողջականութեան սկզբունքը չի կրնար   հիմք դառնալ ազգերու ինքնորոշման   իրաւունքի անտեսման եւ կամ անոր իրականացումը արգիլելու համար: Այս կամ այն պատճառով, մէկ այլ պետութեան կազմին մէջ յայտնուող ժողովուրդը, իր պատմական   հայրենիքին մէջ ապրող ցանկացած ժողովուրդ, երբ խտրականութեան կամ հետապնդումներու կ’ենթարկուի, կրնայ իրականացնել ինքնորոշման իր անբաժանելի իրաւունքը: Կը խորհիմ, թէ բանակցութիւններուն գործընթացքին Ստեփանակերտի մասնակցութիւնը մնայուն անհրաժեշտութիւն մըն է: Առանց մեր մասնակցութեան անհնար է   հակամարտութեան լիարժէք կարգաւորման հասնիլ: Այս ակնյայտ է բոլորին համար:Սակայն, պարզապէս Պաքուի ապակառուցողական քաղաքականութեան պատճառով, տակաւին չէ վերականգնուած բանակցութիւններու ամբողջական ձեւաչափը, բայց այս ալ ժամանակի հարց է» եզրակացուց Բակօ Սահակեան:

 

LEAVE A REPLY

Please enter your comment!
Please enter your name here