ԸՆՏՐԱԿԱՆ ՔԱՐՏԷՍԻՆ ՀԵՏՔԵՐԸ ԿԸ ՄՆԱՆ ԱՆԳՏԱՆԵԼԻ

0
135

Նախագահի ընտրութիւններուն սահմանադրականօրէն կը մնայ   տասնմէկ օր պայմանաժամ: Հակառակ տեղական եւ շրջանային միջամտութիւններուն, քուլիսային եւ բացօթեայ սակարկութիւններուն,   ընտրական «քարտէս»ին հետքերը տակաւին կը մնան անգտանելի: Լրատուական աղբիւրներ կը հաղորդեն, թէ   բանակցութիւնները ամբողջութեամբ չեն խզուած Սաատ Հարիրիի եւ Միշէլ Աունի միջեւ: Մուսթաքպալ Հոսանքէն աղբիւր մը յայտնեց, թէ այն պարագային երբ գարտինալ Պշարա Ռայի զօրակցութիւն յայտնէ Միշէլ Աունի թեկնածութեան, իրենք եւս պատրաստ պիտի ըլլան քուէարկելու Աունին: Մուսթաքպալ Հոսանք խմբաւորումի անդամ, երեսփոխան Ամմար Հուրի դիտել տուաւ, թէ Հըզպալլա կը փորձէ իր շրջանային հաշիւներէն մեկնելով    փոքրացնել   Լիբանանի քաղաքական հեղինակութիւնը: Հուրի նշեց, թէ առանց Սամիր Ժաաժայի հաւանութեան, պիտի չորդեգրուի նոր թեկնածու:

Երեսփոխան Ահմէտ Ֆաթֆաթ յայտնեց, թէ տակաւին լաւատես կը մնայ եւ կ’ակնկալէ որ խորհրդակցութիւնները արդիւնաւորուին մինչեւ 25 Մայիս:  Երեսփոխան Անթուան Զահրէ   ըսաւ, թէ Մարտ 8-ի ուժերը կը խանգարեն   նոր նախագահի ընտրութիւնները, աւելցնելով թէ Միշէլ Աուն ոչ մէկ հարցի շուրջ պատրաստ է բանակցելու, բացի իր ընտրութենէն:  Բարգաւաճում եւ Ազատագրութիւն խորհրդարանական             խմբաւորումի անդամ Եասին Ճապէրպահանջեց, որ Միշէլ Աուն    յայտարարէ իր   թեկնածութիւնը, դիտել տալով որ Աուն կը մնայ Մարտ 8-ի ուժերուն միակ թեկնածուն:

Մտահոգիչ այս կացութեան մէջ Պքերքէ կը պնդէ   մինչեւ   25 Մայիս նախագահ ընտրելու անհրաժեշտութիւնը: Նախկին երեսփոխան Ղաթաս Խուրի՝ Սաատ Հարիրիի կողմէ լիազօրուած, Ռապիյէի մէջ   հանդիպում մը ունեցաւ Միշէլ Աունի հետ:

Հանրապետութեան նախագահ Միշէլ Սըլէյման   առաջին անգամ ըլլալով ակնարկեց իր պաշտօնավարութիւնը երկարաձգելու ընտրանքին մասին, յայտնելով թէ արգելք մը չի տեսներ   մինչեւ նոր նախագահի ընտրութիւնը մնալու Պաապտայի մէջ, սակայն ան աւելցուց, թէ այս ընտրանքը անկարելիութիւն մըն է: Երեսփոխան Միշէլ Մուսա հաւաստեց,թէ   մինչեւ այս պահը   ոչ մէկ խմբաւորում քննարկած է նախագահ Միշէլ Սըլէյմանի պաշտօնավարութեան ժամկէտը երկարաձգելու կարելիութիւնը: Ազգային Ազատ Հոսանքի խօսնակ մը կտրականապէս մերժեց   նախագահ Սըլէյմանի պաշտօնավարութիւնը երկարաձգելու տարբերակը:

Հանրապետութեան նախագահ Միշէլ Սըլէյման Պաապտայի պալատին մէջ ընդունեց Փաղանգաւոր Կուսակցութեան պետ Ամին Ճեմայէլը եւ քննարկեց   ընտրական գործընթացը: Սըլէյման նաեւ ընդունեց արդարադատութեան նախարար Աշրաֆ Ռիֆին, Գերագոյն Ատեանի Խորհուրդի   նախագահ, դատախազ Ժան Ֆահտը,   երիտասարդութեան եւ մարմնակրթութեան նախարար Ապտէլ Մաթլապ Հաննաուին, երեսփոխան Զիատ Քատրին, նախկին նախարար Ժոզէֆ Հաշէմը   եւ այլ անձնաւորութիւններ: Վարչապետ Թամամ Սալամ իր այցելուներուն յայտնեց, թէ նախագահութեան դիրքին վրայ դատարկութիւնը քաղաքական   երկար հակամարտութեան մէջ պիտի մխրճէ երկիրը:

LEAVE A REPLY

Please enter your comment!
Please enter your name here