Յայտնի Է Շարլ Ազնաւուրի Համերգներու Ժամանակացոյցը

0
136

Ֆրանսահայ յայտնի երգիչ Շարլ Ազնաւուրն ամբողջ 2014 թուականի ընթացքին պիտի ծաւալէ ստեղծագործական բուռն գործունէութիւն: Տարուան  սկիզբէն Ազնաւուր աշխարհի տարբեր ծայրերու մէջ ապրող իր երկրպագուներուն տարատեսակ անակնկալներ կը մատուցէր:

2014-ը հեղինակաւոր երգիչին  համար յատկանշական է շարք մը պատճառներով: Առաջին հերթին` մայիս 22-ին Ազնաւուր պիտի տօնէ իր ծննդեան 90-ամեայ յոբելեանը:

«Արմէնփրէս»-ի փոխանցմամբ` ինք Ազնաւուրն իր յոբելեանի առիթով յատուկ անակնկալ  մատուցած է երկրպագուներուն: Շարլ Ազնաւուրի տարբեր տարիներու գործերը ամփոփող 32 ձայնասկաւառակէ կազմուած ձայնադարանը երկրպագուներու համար հասանելի է ապրիլ 28- էն: Ձայնադարանին մէջ ներառուած են Ազնաւուրի`1948-2011 թուականներուն ստեղծուած անկրկնելի գործերը:

Բացի այդ, Ազնաւուր տարին սկսած է համերգներու իսկական տարափով: Մարտի 15-ին  ելոյթ ունեցաւ Թել Աւիւի «Նոքիա» համերգասրահին մէջ, այնուհետեւ անակնկալ մատուցեց Լոձ քաղաքի իր երկրպագուներուն:

Ազնաւուրի յաջորդ համերգը մայիս 12-ին է` իր հայրենիքին մէջ: Յայտնի երգիչը, որ արդէն ժամանած է Երեւան, այսօր Կարէն Դէմիրճեանի անուան մարզահամերգային համալիրին մէջ աննկարագրելի վայրկեաններ պիտի  պարգեւէ հայ հանդիսատեսին: Այնուհետեւ Շարլ Ազնաւուրն իր ծննդեան տօնը պիտի նշէ գերմանացի հանդիսատեսի հետ` մայիս 22-ին «O2 World» համերգասրահին մէջ: Երկու օր անց  երգիչը կրկին բեմ կը բարձրանայ, եւ այս անգամ Ֆրանքֆուրտի «Festhalle»-  կրկին  ունկնդիրները հմայելու: Յաջորդ կանգառը Լոնտոնն է եւ թագաւորական «Ալպերթ» սրահը: Այնուհետեւ յունիս 26-ին Ազնաւուրին կը սպասեն Պարսելոնայի մէջ: Սեպտեմբերին յայտնի երգիչը կը մեկնի ԱՄՆ, ապա նոյեմբեր 11-ին կրկին կը վերադառնայ Եւրոպա. Ան հանդէս կու գայ Պելճիգայի «Lotto Arena» սրահին մէջ:

Ազնաւուրի յոբելեանի առթիւ ամբողջ աշխարհի մէջ պիտի կազմակերպուին տօնական ձեռնարկներ: Տարբեր երաժիշտներ պիտի շնորհաւորեն երգիչի` յոբելեանի առիթով: Ի դէպ, նման ձեռնարկներու մեկնարկը տրուած էր դեռեւս
տարուան սկիզբը: Մի քանի օրէն` մայիս 15-ին Փարիզի մէջ, «Անաքօ» զբօսանաւի վրայ պիտի իրականացուի «Ճոանա Մենդիլը կ’երգէ Ազնաւուր» խորագիրով յարգանքի տուրք-երեկոյ:

Կայանալիք համերգին երգչուհի Ճոանա Մենդիլը պիտի ներկայացնէ յայտնի երգիչի ստեղծագործութիւնները:

Այսքանով Ազնաւուրին նուիրուած ձեռնարկները չեն սահմանափակուիր: Մինչեւ տարեվերջ կ’ըլլան բազում անակնկալներ` թէ՛ Ազնաւուրի եւ թէ՛ անոր
երկրպագուներու կողմէ:

Նշանաւոր ֆրանսահայ երգիչ, երգահան, կինոդերասան եւ հասարակական գործիչ Շարլ Ազնաւուրը ծնած է 1924 թուականի մայիս 22-ին Փարիզի մէջ:
Բազմաթիւ յայտնի գործերու հեղինակ եւ կատարող է: Վաճառուած է Ազնաւուրի ստեղծագործութիւններն ամփոփող շուրջ 100 միլիոն ձայնապնակ: 2009 թուականէն Ազնաւուր Զուիցերիոյ մէջ Հայաստանի դեսպանն է, ինչպէս նաեւ Ժընեւի ՄԱԿ-ի գրասենեակի եւ այլ միջազգային կազմակերպութիւններու մէջ Հայաստանի մշտական ներկայացուցիչը:

Ռոզա Գրիգորեան

armenpress.am

LEAVE A REPLY

Please enter your comment!
Please enter your name here