ԼԱՒՐՈՎ՝ ՄՈՍԿՈՒԱ ԿԸ ՅԱՐԳԷ ՀԱՆՐԱՔՈՒԷՆԵՐՈՒՆ ԱՐԴԻՒՆՔԸ

0
128

Ռուսիոյ արտաքին գործոց նախարար Սերկէյ Լաւրով յայտարարեց, թէ 25 Մայիսէն սկսեալ, Ուքրանիոյ նախագահական ընտրութիւններէն ետք, զօրք պիտի չուղարկէ Տոնեցքի եւ Լուկանսքի շրջանները:« Տոնեցքի եւ Լուկանսքի մէջ մարդիկ չեն փափաքիր կոչուիլ ռուսամէտ կամ ամերիկամէտ: Անոնք կը փափաքին դառնալ Ուքրանիոյ քաղաքացիներ: Անոնք կ’ակնկալեն, որ   իրենց հանդէպ հաւասարի պէս վերաբերին, սակայն Քիեւի իշխանութիւնը անոնց հետ կը վերաբերի ինչպէս աղբի կամ կ’արհամարհէ: Այս պարագային ես կը հասկնամ մարդոց, որոնք կը ցանկանան ուշադրութիւն հրաւիրել իրենց խնդիրներուն վրայ: Անոնց դէմ բանակ ուղարկուած էր : Այդ մարդիկ ցանկացած են իրենք տնօրինել իրենց ճակատագիրը: Այդ պատճառով ալ մենք կը յարգենք այդ հանրաքուէի արդիւնքները եւ մտադիր չենք զօրքեր ուղարկելու,ուր ալ որ ըլլայ».ըսաւ Լաւրով:

Միւս կողմէ, Միացեալ Նահանգներու պետական քարտուղարութեան խօսնակ Ճէն Պսաքի   հերքեց Ուքրանիոյ մէջ ամերիկացի վարձկաններու մասին Լաւրովի ամբաստանութիւնները:

Եւրոպական շուկան երէկ պաշտօնապէս իր սահմանները բացաւ ուքրանական ապրանքներու եւ ծառայութիւններու առջեւ: Յատուկ կարգադրութեամբ մը,   Եւրոպական Միութիւնը զերօ մակարդակի հասցուց Ուքրանիոյ վրայ սահմանուած մաքսատուրքերու մօտ 98 տոկոսը: Այս դրութիւնը  պիտի գործէ մինչեւ 1 Նոյեմբեր:

LEAVE A REPLY

Please enter your comment!
Please enter your name here