Արցախը Կը Մնայ Եւրոմիութեան Առաջնահերթ Խնդիրը

0
115

ՊԱՔՈՒ, «Էյ.Փի.Էյ.».- «The Business Year» լրատուական կայքին հետ Հինգշաբթի, Մայիս 15ին կատարուած հարցազրոյցի մը ընթացքին, Եւրոպական Միութեան ընդարձակման եւ հարեւանութեան քաղաքականութեան հարցերով յանձնակատար Շտեֆան Ֆիւլէ յայտարարած է, թէ Լեռնային Ղարաբաղի հակամարտութեան կարգաւորումը կը շարունակէ մնալ Եւրոմիութեան արտաքին քաղաքականութեան առաջնահերթ հարցերէն մէկը:
Ըստ Ֆիւլէի՝ Եւրոպական Միութիւնը ամբողջովին կ՛աջակցի ղարաբաղեան հակամարտութեան խաղաղ կարգաւորման գործընթացին:
«Հակամարտութեան խաղաղ միջոցներով կարգաւորումը կարելիութիւն պիտի տայ Հարաւային Կովկասին, որ Եւրոպայի եւ Ասիոյ միջեւ կամուրջ մը ըլլալու իր ներուժը ամբողջութեամբ ցուցադրէ: Եւրոմիութիւնը մտահոգ է, որ այս հակամարտութիւնը լուծելու ուղղութեամբ յատկանշական յառաջխաղացք չէ արձանագրուած: Կ՛ողջունենք Ատրպէյճանի եւ Հայաստանի նախագահներուն միջեւ անցեալ տարուան Նոյեմբերին կայացած հանդիպումը եւ գոհ ենք բարձր մակարդակի հանդիպումներ վերսկսելու նպատակով ԵԱՀԿ Մինսկի խմբակի գործադրած ջանքերէն», աւելցուցած է Ֆիւլէ:

 

LEAVE A REPLY

Please enter your comment!
Please enter your name here