ԼԻԲԱՆԱՆԵԱՆ ԿԱՐՃ ԼՈՒՐԵՐ

0
133

–         Խորհրդարանի նախագահ Նեպիհ Պըրրի ընդունեց ներքին գործոց նախարար Նիհատ Մաշնուքը եւ քննարկեց կարգ մը քաղաքապետութիւննրու վերաբերող հարցեր: Պըրրի նաեւ ընդունեց խորհրդարանական առողջապահական յանձնախումբի նախագահ Աթէֆ Մաժտալանին:

–         Հըզպալլայի պատուիրակութիւն մը, քաղաքական խորհուրդի պետ Իպրահիմ Ամին Սէյիտի գլխաւորութեամբ այցելեց Պքերքէ եւ հանդիպում մը ունեցաւ մարոնիներու Պշարա Ռայի Գարտինալին հետ: Հանդիպումէն ետք, Սէյիտ յայտնեց, թէ իրենց պաշտօնական տեսակէտը փոխանցած էին գարտինալ Ռայիին, անոր Երուսաղէմ կատարելին այցելութեան առիթով: Ան նաեւ ըսաւ, թէ միայն համախոհական թեկնածու մը կրնայ ընտրուիլ Լիբանանի նախագահ: Կարգ մը աղբիւրներու համաձայն, Լիբանանի մօտ Սէուտական Արաբիոյ դեսպան Ալի Աուատ Օսէյրի նոյնպէս այցելեց Պքերքէ:

–         Ընկերային հարցերու նախարար Ռաշիտ Տըրպաս դիտել տուաւ, թէ սուրիացի գաղթականներուն հարցը   մարդասիրական հարց է միաժամանակ: Նախարարը դատապարտեց բարեսիրական ծառայութիւնները քաղաքական եւ յարանուանական տեսադաշտի մէջ վերլուծելու մօտեցումները:

–         Ուսուցիչներու սենտիքայի նախագահ Նաամէ Մահֆուտ փողոց իջնելու կոչ ուղղեց ժողովուրդին՝ երկիրը պահպանելու նպատակով: Մահֆուտ դիտել տուաւ թէ կառավարութիւնը երեք տարիէ կը քննարկէ աշխատավարձերու յաւելման թղթածրարը եւ տակաւին պիտի հասնի եզրակացութեան:

LEAVE A REPLY

Please enter your comment!
Please enter your name here