Վագըֆ Գիւղի Քեսապցի Ապաստանեալները Պէյրութ Մեկնեցան

0
111

ՊՈԼԻՍ, «ԱԿՕՍ».- Սուրիոյ ներքին պատերազմի վերջին թիրախը հանդիսացող Քեսապի հայութեան այն մասնիկը, որ իր կամքէն անկախ տեղափոխուած էր Թուրքիա ու ապաստանած հայաբնակ Վագըֆ գիւղը, այժմ մեկնած է Պոլսոյ ճամբով դէպի Լիբանան: Ինչպէս նախապէս ալ գրած էինք, խաբկանքով Թուրքիա բերուած տարեցներէն շատերը հարազատներ ունին Լիբանանի մէջ: Սակայն անոնք խուճապի պայմաններուն տակ առանց անցագիրի Թուրքիա բերուած ըլլալնուն՝ օրինական ձեւակերպութիւններ արգելք եղած էին ճամբորդութեան: Այժմ այդ բարդութիւնները լուծուած ըլլալով՝ առաջին հերթին 18 քեսապահայեր Հինգշաբթի օրուան թռիչքով նախ հասան Պոլիս, ուրկէ շարունակեցին իրենց ճամբան դէպի Պէյրութ:
Այս ճամբորդութեան ընթացքին Վագըֆի գիւղապետը եւ գիւղի Ս. Աստուածածին եկեղեցւոյ թաղային խորհուրդի ատենապետը կ՛ընկերակցէին տարեց ու խնամքի կարօտ քեսապցիներուն:

LEAVE A REPLY

Please enter your comment!
Please enter your name here