ՊԱՅԵՐՆ ՄԻՒՆԻԽ ՇԱՀԵՑԱՒ ԳԵՐՄԱՆԻՈՅ ԲԱԺԱԿԸ

0
133

Պայերն Միւնիխ իր պատմութեան մէջ 17-րդ անգամ ըլլալով շահեցաւ Գերմանիոյ բաժակը, երբ լրացուցիչ ժամանակամիջոցին՝ 2-0 արդիւնքով պարտութեան մատնեց Պորուսիա Տորթմունտը: Պէտք է ըսել, որ հանդիպումը բաւական համեստ էր ստեղծուած կոլային պահերով եւ դիտարժանութեամբ: 107-րդ վայրկեանին, Արիան Ռոպէն յառաջ մղեց պաւարիական խումբը: Թոմաս Միւլըր կրկնապատկեց հաշիւը: Նշենք,թէ Լեհաստանի յառաջապահ Ռոպէրթ Լեւանտովսքի վերջին մրցումը կատարեց Տորթմունտի հետ: Յառաջիկայ մրցաշրջանէն սկսեալ ան պիտի կրէ Պայերնի շապիկը: Միւս կողմէ, Պայերնի մարզիչ Խօսէպ Կուարտիոլա յայտնեց,թէ Խրուաթիոյ հաւաքականի յարձակող Մարիօ Մանչուկիչ պիտի հեռանայ ակումբէն:

LEAVE A REPLY

Please enter your comment!
Please enter your name here