Ուորլիքը կոչ է արել համատեղ օգտագործել Սարսանգի ջրամբարը

0
127

ԵԱՀԿ Մինսկի խմբի ամերիկացի համանախագահ Ջեյմս Ուորլիքը կոչ է արել հայերին և ադրբեջանցիներին համատեղ օգտագործել Սարսանգի ջրամբարը:

«Սա Սարսանգի ջրամբարն է: Դրական քայլ կլիներ, եթե կողմերը կարողանային կառավարել ջրային ռեսուրսները»,- գրել է նա Twitter-ի իր միկրոբլոգում՝ կից տեղադրելով ջրամբարի նկարը:

Հիշեցնենք, Սարսանգի ջրամբարը կառուցվել է 1976թ. Տերտեր գետի վրա և այժմ գտնվում է Լեռնային Ղարաբաղի Հանրապետության տարածքում: Ջուրն օգտագործվում է ոռոգման և էներգետիկ նպատակներով: Ջրամբարը ձմռանը չի սառչում և ունի ձկնային ռեսուրսներ:

Ադրբեջանը բազմիցս բողոքներ է հայտնում, որ սահմանամերձ շրջաններում իրենք ոռոգման ջրի խիստ պակաս ունեն և հայերին մեղադրում են դիտավորյալ կերպով ջուրը փակելու մեջ:

 

LEAVE A REPLY

Please enter your comment!
Please enter your name here