Ցեղասպանութեան 100-րդ Տարելիցի Յիշատակումներուն Պիտի Միանան Նաեւ Հայ Երաժշտահանները

0
126

Հայաստանի երաժշտահաններու միութիւնը Ցեղասպանութեան 100-ամեայ տարելիցին ընդառաջ պիտի ներկայանայ  շարք մը նախագիծերով: Ստեղծուելիք բարձրարուեստ գործերը պիտի նուիրուին 20-րդ դարասկիզբին մարդկութեան դէմ գործուած մեծագոյն ոճիրի զոհերու յիշատակին եւ աշխարհի տարբեր բեմերէ հնչելով` պիտի ներկայացնեն հայ ժողովուրդը ոչ թէ որպէս տառապեալ, այլ յաղթանակած ու ուժեղ: Արդէն յայտարարուած է վոկալ-գործիքային ստեղծագործութիւններու մրցոյթ` բանաստեղծուհի Սոնա Վանի գրութիւններով, որուն կրնան մասնակցիլ միութեան անդամները առանց տարիքային սահմանափակումներու, որոնք իրենց ստեղծուելիք գործերուն համար որպէս խօսքերու հիմք պէտք է օգտագործեն հէնց Վանի բանաստեղծութիւնները:

«Բաւականին հետաքրքիր աշխատանք կարող է լինել, իւրաքանչիւր ստեղծագործութիւն պէտք է տեւի 12 րոպէից ոչ պակաս: Բազմածաւալ ստեղծագործութիւն պէտք է լինի:

Ստեղծագործութիւններում, բացի վոկալ հատուածից, կարող են օգտագործուել նաեւ մի քանի երաժշտական գործիքներ»,- «Արմէնփրէս»-ի թղթակիցին հետ զրոյցին նշեց Հայաստանի երաժշտահաններու միութեան նախագահ Արամ Սաթեան:
Ստեղծագործութիւններն անհրաժեշտ է ներկայացնել միութիւն` թուայնացուած նոթագրութեամբ` մինչեւ այս տարուան դեկտեմբեր 15-ը:
Մրցոյթի արդիւնքները պիտի հրապարակուին 2015 թուականի յունուար 25-ին: Նախատեսուած է երեք մրցանակային տեղ: Առաջին տեղի մրցանակակիրը պիտի ստանայ 600 հազար դրամ, երկրորդը` 400, իսկ երրորդ տեղը գրաւած երաժշտահանի գործը` 250 հազար դրամ:
«Ծրագրում ենք նաեւ կազմակերպել վոկալ-սիմֆոնիկ ստեղծագործութիւնների մրցոյթ: Այս ստեղծագործութիւններում կոմպոզիտորները կարող են ներառել երգչախումբ, նուագախումբ, մենակատարներ, ասմունքող: Մօտակայ ժամանակներս կը յայտարարենք նաեւ այս մրցոյթի մասին: Բացի այդ, ծրագրում ենք անցկացնել նաեւ միայն երգչախմբային երաժշտութեան մրցոյթ, որին կը մասնակցեն մեր երգչախմբերը եւ կը կատարեն հայ կոմպոզիտորների ստեղծագործութիւնները` նուիրուած Հայոց ցեղասպանութեանը»,-ընդգծեց Արամ Սաթեան:
Հայաստանի երաժշտահաններու միութեան նախագահը համոզուած է, որ նախաձեռնութիւնները շատ պատասխանատու են, որովհետեւ ստեղծուելիք գործերը պէտք է ըլլան առաւելագոյնս բարձրարժէք ստեղծագործութիւններ:

«Յետագայում նրանք կը կատարուեն տարբեր բեմահարթակներում եւ կը ներկայացնեն ազգը: Անպայման չէ ներկայացնել մեր տառապանքը, կարելի է ցոյց տալ նաեւ մեր ուժը, մեր հաւատն ապագայի նկատմամբ: Բաւականին հետաքրքիր նախագծեր են»,-եզրափակեց Արամ Սաթեան:

Առաջին համաշխարհային պատերազմի նախօրէին Օսմանեան կայսրութեան մէջ կ’ապրէին երկու միլիոնէ աւելի հայեր: Շուրջ մէկուկէս միլիոն հայ սպանուեցաւ 1915-1923թթ. ժամանակահատուածին, իսկ մնացածները կամ բռնի մահմետականացուեցան, կամ ապաստանեցան աշխարհի տարբեր երկիրներու մէջ: 1915թ. ապրիլ 24-ին սկիզբ առած ձերբակալութիւններով (հիմնականին մէջ` Օսմանեան կայսրութեան մայրաքաղաք Կոստանդնուպոլսոյ մէջ) եւ ատոր հետեւած հարիւրաւոր հայ մտաւորականներու ոչնչացումով սկսաւ հայ բնակչութեան բնաջնջման առաջին փուլը: Յետագային աշխարհասփիւռ հայերը ապրիլ 24-ը սկսան նշել որպէս Հայոց ցեղասպանութեան զոհերու յիշատակի օր:

Ռոզա Գրիգորեան

LEAVE A REPLY

Please enter your comment!
Please enter your name here