ՓՈՒԹԻՆ ԿԸ ՊԱՀԱՆՋԷ ՈՒՔՐԱՆԱԿԱՆ ԶՕՐՔԵՐԸ ՀԵՌԱՑՆԵԼ ԱՐԵՒԵԼԵԱՆ ՇՐՋԱՆՆԵՐԷՆ

0
103

Ռուսիոյ նախագահ Վլատիմիր Փութին Քիեւի   իշխանութիւններէն պահանջեց դադրեցնել արեւելեան Ուքրանիոյ մէջ զինուորական գործողութիւնները: ՆԱԹՕ   հաստատեց, թէ ռուսական զօրքերը   հեռացած են Ուքրանիոյ սահմաններէն եւ մտադրութիւն չունին վերադառնալու: Մարդու իրաւունքներու   հարցերով ՄԱԿ-ի ընդհանուր քարտուղարի օգնական Իվան Սիմոնովիչ   զգուշացւոց, թէ Ուքրանիոյ արագօրէն կ’ընթանայ դէպի քաոս:Ընդդիմութեան պարագլուխներէն Եուլիա Տիմոշենքօ առաջարկեց ընտրութիւններէն ետք ՆԱԹՕ-ի անդամակցութեան հարցը հանրաքուէի դնել: Իսկ վարչապետի պաշտօնակատար Արսենի Եացենիուքի կարծիքով, նոր նախագահին առաջին ստորագրութիւնը պէտք է ըլլայ Եւրոպական գործընկերութեան անդամակցութիւնը: Եացենիուք նաեւ ներկայացուց տարօրինակ առաջարկ մը. Ան խոստացաւ տնտեսական ինքնուրոյնութեան բարձր մակարդակ շնորհել արեւելեան Ուքրանիոյ շրջաններուն: Միւս կողմէ, Տոնեցքի Ժողովրդական Հանրապետութիւնը   հաղորդագրութեամբ մը յայտնեց,թէ պիտի չճանչնայ Ուքրանիոյ նախագահական   ընտրութիւններուն արդիւնքը:

Տնտեսական գետնի վրայ, «Կազփրոմ» յայտարարեց, թէ Յունիս ամիսէն սկսեալ միայն Եւրոպայի համար կազ պիտի արտածէ դէպի Ուքրանիա: Քիեւի պարտքը   «Կազփրոմ»ին կը գնահատուի 3.5   միլիառ տոլար:

LEAVE A REPLY

Please enter your comment!
Please enter your name here