Հրադադարը Չլուծեց Արցախի Հակամարտութիւնը. Եւրոմիութիւն

0
106

Եւրոմիութիւնը յայտարարած է, թէ ամբողջութեամբ կ՛աջակցի Լեռնային Ղարաբաղի հակամարտութեան զինադադարի 20ամեակին կապակցութեամբ՝ ԵԱՀԿ Մինսկի խմբակի համանախագահներուն կողմէ Մայիս 12ին կատարուած յայտարարութեան:
«Ինչպէս կ՛ընդգծեն համանախագահները, այս համաձայնագիրը վերջ դրաւ բաց պատերազմին, սակայն չլուծեց հակամարտութիւնը: Վերջնական կարգաւորման բացակայութիւնը խորապէս զգալի է, մանաւանդ՝ բնակչութեան համար», շեշտած է Եւրոմիութիւնը:
Յայտարարութեան մէջ խոր մտահոգութիւն արտայայտուած է սահմանային զինեալ միջադէպերուն վերաբերեալ: Եւրոմիութիւնը կը դատապարտէ ուժի կիրառումը եւ կոչ կ՛ընէ կողմերուն՝ խուսափելու լարուածութիւնը սրող բոլոր գործողութիւններէն:
«Մենք կր հրաւիրենք կողմերը կառուցողական երկխօսութեան ուղին որդեգրելու՝ առաւելագոյնս օգտուելով համանախագահներու ջանքերէն: Ամենաբարձր մակարդակով երկխօսութեան վերականգնման կ՛աջակցինք: Եւրոմիութիւնը պատրաստ է աւելի աշխոյժ ջանքեր ներդրելու, հակամարտութեան կարգաւորման համար վստահութեան միջոցներու զարգացմամբ եւ ստեղծմամբ, յաջակցութիւն Մինսկի խմբակին», ըսուած է յայտարարութեան մէջ:

LEAVE A REPLY

Please enter your comment!
Please enter your name here