ՄԵՏՎԵՏԵՒ՝ ՌՈՒՍԻԱ ՉԻ ԿՐՆԱՐ ԵՐԱՇԽԱՒՈՐԵԼ ՈՒՔՐԱՆԻՈՅ ԱՄԲՈՂՋԱԿԱՆՈՒԹԻՒՆԸ

0
303

Ռուսիոյ վարչապետ Տիմիթրի Մետվետեւ յայտարարեց, թէ Ռուսիա չի կրնար   եւ պիտի չերաշխաւորէ Ուքրանիոյ տարածքային ամբողջականութիւնը, որովետեւ երբեք չէր ստանձնած նման պարտաւորութիւն.« Մենք ոչ ոքի ոչինչ չպէտք է երաշխաւորենք, քանի որ երբեք այս մասով պարտաւորութիւններ չենք ստանձնած: Մեզի համար ամենակարեւոր խնդիրը Ուքրանիոյ իրավիճակին հանդարտեցումն է». յայտարարեց Մետվետեւ: Ան պահանջեց,որ Միացեալ Նահանգներ եւ Եւրոպա   միջամտութիւններ չկատարեն Ուքրանիոյ ներքին գործերուն: Մետվետեւ՝ Ուքրանիոյ ներքին գործերուն չմիջամտելու երաշխիքներ պահանջեց  ՆԱԹՕ-էն: Մետվետեւ կասկածի տակ առաւ Ուքրանիոյ նախագահական ընտրութիւններուն օրինականութիւնը եւ  աւելցուց, թէ Ռուսիա կրնայ դիմանալ   բոլոր տեսակի պատժամիջոցներուն: Ռուսիոյ   վարչապետը նաեւ ըսաւ, թէ Միացեալ Նահանգներ նոր Պաղ Պատերազմի մը կը մղէ Ռուսիոյ հետ յարաբերութիւնները: Մետվետեւ նաեւ ըսաւ,թէ Ուքրանիոյ սահմանին մօտ զօրքերու տեղակայումը Ռուսիոյ ներքին գործն է:

Նշենք, թէ 1 Յունիսէն սկսեալ, Մոսկուա պիտի դադրեցնէ դէպի Ուքրանիա կազի մատակարարումը: Իսկ Եւրոպա առաքուող կազը պիտի փոխադրուի Չինաստանի ճանապարհով:

LEAVE A REPLY

Please enter your comment!
Please enter your name here