ՄՈՍԿՈՒԱ ԵՒ ՓԵՔԻՆ ԿԸ ՇԵՇՏԵՆ ՊԱՇՏՊԱՆՈՒԹԵԱՆ ԾԻՐԻՆ ՄԷՋ ՀԱՄԱԳՈՐԾԱԿՑՈՒԹԻՒՆԸ ԱՄՐԱՊՆԴԵԼՈՒ ԱՆՀՐԱԺԵՇՏՈՒԹԻՒՆԸ

0
117

Երկօրեայ պաշտօնական այցելութեամբ Չինաստան մեկնած Ռուսիոյ նախագահ Վլատիմիր Փութին Փեքինի մէջ, իր չին պաշտօնակիցին Զի Ճինփինկի հետ քննարկեց երկու երկրիներուն միջեւ տնտեսական, ռազմական, քաղաքական ոլորտներու մէջ փոխյարաբերութիւնները սերտացնելու կարելիութիւնները: Երկու նախագահներըիրենց առանձնազրոյցէն ետք կնքեցին միացեալ մամլոյ ասուլիս մը, ուր յատնեցին, թէ միջազգային տարբեր զարգացումներու առջեւ, Մոսկուա եւ Փեքին ունին  միատեսակ դիրքորոշում: Երկու նախագահները յատկապէս շեշտեցին  ռազմական արհեստագիտութեան մարզէն ներս   համագործակցութիւնը սերտացնելու անհրաժեշտութիւնը:Նախագահ Փութին ընդգծեց,թէ Ռուսիա- Չինաստան համագործակցութիւնը երաշխիք է համաշխարհային կայունութեան եւ անվտանգութեան: Իր կարգին, Չինաստանի նախագահը դիտել տուաւ, թէ երկու երկիրներուն միջեւ առեւտրական փոխանակումները 100 միլիառ տոլարի սահմանը պիտի հատեն 2015-ին:

LEAVE A REPLY

Please enter your comment!
Please enter your name here