«Փարաջանով» Շարժանկարը Կը Շարունակէ Իր Փառատօնային Յաղթարշաւը

0
153

Սերժ Աւետիքեանի «Փարաջանով» շարժանկարը անցնելու մեծ ճանապարհ ունի: Շարժանկարը տարեվերջին պիտի յայտնուի ֆրանսական կինովարձոյթին: «Արմէնփրէս»-ի փոխանցմամբ, այս մասին լրագրողներուն տեղեկացուց շարժանկարի բեմադրիչ եւ Սերգէյ Փարաջանովի դերակատար Սերժ Աւետիքեանը:

«Շատ ուրախ եմ, շատ դժուար էր ֆրանսական կինովարձոյթին յայտնուիլ` չնայած շարժանկարը Ֆրանսայի մէջ արդէն 5 մրցանակ  շահած է: Երջանիկ ենք, որ Քաննի մէջ կը յայտարարուի, որ «Փարաջանովը» պիտի յայտնուի կինովարձութին»,-նշեց Աւետիքեան:
Բացի այդ, Աւետիքեան ընդգծեց, որ այս տարի պիտի երթայ Հնդկաստան եւ իր հետ տանելով շարժանկարը մի քանի տարբեր փառատօններու մասնակցելու:
«Երբեք ոչ մէկ շարժանկար  չի նկարահանուիր յաղթանակներու համար, որովհետեւ եթէ նկարահանումներու ընթացքին այդ մասին  մտածես, ապա շարժանկար չես նկարեր, ուրեմն ինչ-որ այլ բանով  զբաղած ես: Ես կը զգայի, որ ինչ-որ բան ճիշդ կը հնչէ, ինչ-որ բան մեզի հետ էր: Հէնց ինքը` Փարաջանովը: Դերէն չվախցայ, մտածեցի, որ ոչ մէկ ձեւացում, ոչ մէկ պատճէնում պէտք չէ ընել: Ես պէտք է նմանէի Փարաջանովին, բայց պէտք է իմ մէջ տեղ ձգէի, որ ան տեղաւորուէր իմ մէջ: Պէտք է այնպէս ընել, որ կերպարը ինքը աշխատի  քու մէջ:  Ատիկա մեծ վտանգ է»,-աւելցուց Սերժ Աւետիքեան:

Բեմադրիչ  եւ դերասան Սերժ Աւետիքեանի «Փարաջանով» շարժանկարը այս տարուան «Հայակ» մրցանակաբաշխութեան  նախասիրուած էր: Կինոնկարը ստացաւ 4 մրցանակ`յաղթելով «Լաւագոյն խաղարկային ֆիլմ», «Լաւագոյն ռեժիսոր», «Լաւագոյն դերասան», «Լաւագոյն նկարիչ» անուանակարգերուն մէջ:

LEAVE A REPLY

Please enter your comment!
Please enter your name here