Հալէպի Որոշ Թաղամասերու Մէջ Վերականգնուած Է Ջրամատակարարումը

0
116

Հալէպի մէջ մօտ 2 շաբթուան դադարէն ետք որոշ թաղամասերու մէջ վերականգնուած է ջրամատակարարումը` մեծ ուրախութիւն պարգեւելով հալէպցիներուն: Այս մասին «Արմէնփրէս»-ի հետ զրոյցին նշեց Բերիոյ թեմի ազգային առաջնորդարանի բանբեր Ժիրայր Ռէյիսեան` աւելցնելով, որ իշխանութիւնները զգուշացուցած են` քանի մը օր ջուրը չօգտագործել խմելու նպատակով: Ռէյիսեանի խօսքով` փողոցներուն մէջ ամէնուր կարելի է տեսնել բնակիչներ` ջուրի երկար հերթերով կամ դոյլերով, շիշերով եւ տարբեր տեսակի տարաներով ջուր փոխադրելու համար: Տասնեակ քաղաքացիներ թունաւորուած են ոչ պիտանի ջուր խմելու պատճառով: Մայիսի վերջը ջուրի խողովակի պայթիւնէն ետք Հալէպ զրկուած էր ջրամատակարարումէն:

Բանբերը նաեւ տեղեկացուց, որ քաղաքին մէջ վերջին օրերուն ընթացքին հրասանդային ռմբակոծութիւնը համեմատաբար թուլցած է: «Սակայն, օրուան տարբեր ժամերուն, յատկապէս, գիշերը կը շարունակուին օդային եւ հրետանային ռմբակոծութիւնները»,- նշեց ան` աւելցնելով, որ Նոր Գիւղի հարիւրէ աւելի հայեր կը շարունակեն մնալ եկեղեցւոյ սրահներուն մէջ, ոմանք տեղափոխուած են աւելի ապահով թաղամասեր կամ իրենց հարազանտներու, բարեկամներու տուներ:

Ինչ կը վերաբերի էլեկտրականութեան խնդիրին, Ռէյիսեանի խօսքով` օրուան մէջ լաւագոյն պարագային էլեկտրականութիւն կ’ունենան 6 ժամ, որոշ թաղամասերու մէջ Հալէպի մէջ 2 տարիէն աւելի ընթացող ռազմական գործողութիւններու հետեւանքով տասնեակ հայեր զոհուած են եւ վիրաւորուած: ՄԱԿ-ի տուեալներով, Սուրիոյ մէջ զոհերու թիւը գերազանցած է 150 հազարը:

LEAVE A REPLY

Please enter your comment!
Please enter your name here