ՊՐԱԶԻԼ ՅԱՂԹԱԿԱՆ ՄԵԿՆԱՐԿՈՎ ՍԿՍԱՒ ՄՈՆՏԻԱԼ 2014-Ը

0
140

Հինգշաբթի երեկոյեան,   Սան Փաոլոյի «Քորինթիանզ Արենա» մարզադաշտին մէջ սկսաւ ֆութպոլի աշխարհի 20-րդ ախոյեանութիւնը: Բացման հանդիսաւոր արարողութեան, 62103 մարզասէրներու առջեւ, Ճենիֆըր Լոփէզ, Փիթպուլ կատարեցին մրցաշարքին պաշտօնական երգը՝ « Ուի Ար Ուան» երգը: Մրցաշարքի բացման   հանդիպումին, Պրազիլի   հաւաքականը 3-1 արդիւնքով պարտութեան մատնեց Խրուաթիային (Կիսախաղ՝ 1-1): Նէյմար(2) եւ Օսքար նշանակեցին Պրազիլի կոլերը: Այսուհանդերձ, Խրուաթիոյ խաղը   գոհացուցիչ տպաւորութիւն ձգեց   մարզասէրներուն վրայ: Եւրոպացիները, մրցումին սկիզբը ոչինչով կը զիջէին աշխարհի հնգակի ախոյեաններուն: 11-րդ վայրկեանին, Խրուաթիոյ յարձակումին շնորհիւ,Մարչելօ սեփական բերդէն ներս նշանակեց  եւրոպական   հաւաքականին եւ հանդիպումին առաջին կոլը: Այս կոլէն ետք, պրազիլիացիները աստիճանաբար տիրեցին խաղին ղեկին: 29-րդ վայրկեանին, Նէյմար հաւասարեցուց հաշիւը: Առաջին կիսախաղի վերջաւորութեան պրազիլիացիները ունէին նկատելի առաւելութիւն: Բ. Կիսախաղի սկիզբը, խրուաթ ֆութպոլիստները որոշ դրուագներու մէջ ցուցադրեցին տպաւորիչ խաղ: Սակայն, հանդիպման 71-րդ վայրկեանին, կեդրոնական իրաւարար Եուշի Նիշիմորա վիճելի փենալթի մը շնորհեց պրազիլիացիներուն: Նէյմար   կոլի վերածեց փենալթին: Խրուաթները շատ պայքարեցան նշանակելու հաւասարութեան կոլը, սակայն իրաւարարին աւելցուցած   վայրկեաններուն,   Օսքար՝ 3-1-ի վերածեց հաշիւը:  Նէյմար ընտրուեցաւ   մրցումին լաւագոյն   ֆութպոլիստը:

Հանդիպումէն ետք, Խրուաթիոյ մարզիչ Նիքօ Քովաչ. քննադատեց   մրցումին իրաւարարին թոյլ տուած սխալները:

Պրազիլի հաւաքականը միակն է, որ   մասնակցած է աշխարհի բոլոր առաջնութիւններուն: Դժուար է խօսիլ Պրազիլի կարելիութիւններուն մասին: Պրազիլ կը նկատուի մրցաշարքին գլխաւոր յաւակնորդը: Գլխաւոր մարզիչ Լուիզ Ֆիլիփէ Սքոլարի՝ լայն ընտրութեան   միջոցներ ունենալու պատճառով, վերջնական կազմէն դուրս ձգեց Ռոնալտինիոյի, Ռուպինիոյի, Քաքայի, Լեվայի նման ֆութպոլիստներու: Սքոլարի կ’ապաւինի համեմատաբար աւելի երիտասարդ ֆութպոլիստներու փորձառութեան: Անոր կարծիքով,  Մոնտիալի տիտղոսը աւելի դիւրին պիտի ըլլայ նուաճել երիտասարդ կազմով:

LEAVE A REPLY

Please enter your comment!
Please enter your name here