ԻՏԱԼԻԱ – ԱՆԳԼԻԱ (Դ.ԽՄԲԱԿ)

0
159

ՄՈՆՏԻԱԼ  2014

Քանի մը վայրկեան ետք,  Մանուասի « Արենա Ամազոնիա»  մարզադաշտին մէջ, 42374  մարզասէրներուն առջեւ Անգլիոյ հաւաքականը  իր ուժերը  պիտի չափէ  Իտալիոյ  դէմ:

Իտալիոյ  հաւաքականի  փորձառու   բերդապահ Ճիանլուիճի  Պուֆոն  վնասուածքի  պատճառով  պիտի   բացակայի  մրցումէն:

Անգլիա դաշտ պիտի  ներկայանայ հետեւեալ կազմով՝  Հարթ, Ճոնսըն, Ճակիէյլքա, Գէյհիլ, Պէյնզ,  Ճեռարտ, Հենտրսըն, Ուելպէք, Սթերլինկ, Ռունի, Սթարիճ:

Իտալիա  դաշտ  պիտի  ներկայանայ հետեւեալ կազմով՝ Սիրիկու, Տարմիան,  Փալեթա,Փարցալի, Քէյլինի,  Տը Ռոսի,  Փիրլօ, Վերաթի, Գանտրեւա, Մարքիզիօ, Պալոթելի:

Կարժէ նշել, որ Մոնտիալ 2014-ին մասնակցող  Անգլիոյ  հաւաքականը  ամենաերիտասարդն  է 1958-ի Մոնտիալին մասնակցող  անոր կազմէն ետք:  Մոնտիալի  պատմութեան մէջ   ֆութպոլի այս երկու հսկաները միայն մէկ անգամ  հանդիպած են իրարու դէմ՝ 1990-ի Մոնտիալին, երբ Իտալիոյ  հաւաքականը  2-1 արդիւնքով  պարտութեան մատնեց  Անգլիան եւ գրաւեց  Մոնտիալ 1990-ի երրորդ  դիրքը: Բացի Մոնտիալ 1990-էն,  երկու  հաւաքականներուն միջեւ  վերջին տասներկու հանդիպումներուն  ընթացքին, անգլիացիները  արձանագրած են միայն երկու յաղթանակ,  վեց պարտութիւն  եւ չորս  հաւասարութիւն: Պրազիլէն ետք՝ 20, Իտալիա եւ Գերմանիա  Մոնտիալի  եզրափակիչներուն  ամենաշատ  մասնակից՝  18  հաւաքականներն են:

LEAVE A REPLY

Please enter your comment!
Please enter your name here