ԼԱՒՐՈՎ՝ ԱՐԵՒՄՈՒՏՔԸ ԳԻՏԱԿՑԱԲԱՐ ԱՌ ՃԱԿԱՏՈՒՄԻ ԿԸ ՄՂԷ ՈՒՔՐԱՆԻԱՆ

0
116

Ռուսիոյ արտաքին գործոց նախարար Սերկէյ Լաւրով ցաւ յայտնեց, որ Արեւմուտքը գիտակցաբար առճակատումի   կը մղէ Ուքրանիան:   Արտաքին գործոց նախարարութիւնը զգուշացուց՝ եթէ ուքրանական կողմը կը շարունակէ խախտել պետական սահմաններու դրութիւնը: « Ռուսիա պիտի ձեռնարկէ անհրաժեշտ բոլոր միջոցառումները՝ այդ թոյլ չտալու համար: Ուքրանական բանակը կը շարունակէ   ռմբակոծել արեւելեան Ուքրանիոյ   շրջանները». յայտարարեց Լաւրով:

Միւս կողմէ, Կազփրոմ դադրեցուց Ուքրանիոյ հետ բանակցութիւնները: Ուքրանիոյ ընդհանուր պարտքերը Կազփրոմին, կը հաշուեն 4.5 միլիառ տոլար: Կազփրոմ նախավճար մը կը պահանջէ ուքրանական կառավարութենէն: Ուքրանիա կը մերժէ նախավճարի պայմանը եւ կը պահանջէ   աւելի նպաստաւոր սակով   ներածել նոր փոխանցուելիք կազը:

Եւրոպական Միութիւնը 250   միլիոն եուրօ արժողութեամբ տնտեսական նոր յատկացում մը կատարեց   Ուքրանիոյ կառավարութեան: Ուժանիւթի հարցերով Եւրոպական Միութեան յանձնակատար Կիւնթըր Էթինկըր յայտնեց,թէ   Եւրոպական Միութեան արագ անդամակցութեամբ   չի լուծուիր Ուքրանիոյ   տագնապը:

LEAVE A REPLY

Please enter your comment!
Please enter your name here