ԼԻԲԱՆԱՆԵԱՆ ԿԱՐՃ ԼՈՒՐԵՐ

0
134

– Հաղորդակցութեան նախարար Պութրոս Հարպ եւ տեղեկատուութեան նախարար Ռամզի   Ճըրէյճ   միացեալ մամլոյ ասուլիսի մը  ընթացքին յայտարարեցին, թէ   լիբանանցիները յետ այսու ազատօրէն պիտի կարենան հետեւիլ Մոնտիալ 2014-ի   մրցումներուն: Նախարարները ընդգծեցին, թէ կարգադրութիւնը տեղի ունեցածէր Քաթարի իշխանին հրահանգով:

– Քուէյթի խորհրդարանի նախագահ Մարզուք Ղանէմ եռօրեայ այցելութեամբ   ժամանեց   Լիբանան:   Ղանէմ յաջորդական հանդիպումներ պիտի ունենայ Լիբանանի իր պաշտօնակիցին Նեպիհ Պըրրիի եւ այլ պաշտօնակատար անձնաւորութիւններու հետ:

– Ընկերվար Յառաջդիմական Կուսակցութեան ընդհանուր   քարտուղար Զաֆէր Նասէր յայտնեց, թէ   Ուալիտ Ճոմպլաթի եւ Սաատ Հարիրիի միջեւ հանդիպումը մօտալուտ է: Նասէր   ըսաւ, թէ   Ճոմպլաթ եւ Հարիրի պիտի քննարկեց   նախագահական ընտրութիւնները:

– Արտաքին գործոց նախարար Ժըպրան Պասիլ յայտարարեց, թէ պայմանները ինչպիսին ալ ըլլան, Լիբանան պիտի չարտօնէ իր հողերուն վրայ գաղթակայաններ կառուցել սուրիացի գաղթականներու համար:  

– Զբօսազրջութեան նախարար Միշէլ Ֆարաոն դիտել տուաւ, որ Թրիփոլիի մէջ ստեղծուած կայունութիւնը կարելի չէ ընդունիլ իբրեւ երկրին կայունութեան չափանիշ: Նախարարը մաղթեց, որ խորհրդարանը ամենակարճ միջոցին նախագահ մը ընտրէ երկրին:

-Երեսփոխան Պահիա Հարիրիի գրասենեակին մէջ   երեսփոխաններ Իպրահիմ Քանաանի, Ճամալ Ճարահ քննարկեցին աշխատավարձերու յաւելման   օրինագիծը:

LEAVE A REPLY

Please enter your comment!
Please enter your name here