ՀՀ Սփիւռքի Նախարար Հրանոյշ Յակոբեան Մասնակցեցաւ Ցեղասպանութեան 100-րդ Տարելիցին Նուիրուած Խորհրդարանական Լսումներուն

0
158

Յունիս 13-ին ՀՀ սփիւռքի նախարար Հրանոյշ Յակոբեան մասնակցեցաւ ՀՀ Աժ գիտութեան, կրթութեան, մշակոյթի, երիտասարդութեան եւ մարզանքի հարցերու ու ՀՀ ԱԺ արտաքին յարաբերութիւններու մշտական յանձնաժողովներուն կողմէ կազմակերպուած Հայոց ցեղասպանութեան 100-րդ տարելիցին նուիրուած խորհրդարանական լսումներուն, որոնք տեղի ունեցան Հայոց ցեղասպանութեան թանգարան-հիմնարկին մէջ:

Լսումներուն զեկուցեցին նաեւ ՀՀ նախագահի աշխատակազմի ղեկավար, Հայոց ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովի ձեռնարկներու գլխաւոր համակարգող Վիգէն Սարգսեան, ՀՀ ԱԳ Նախարար Էդուարդ Նալբանդեան:

ՀՀ սփիւռքի նախարար Հրանոյշ Յակոբեան հանդէս եկաւ «Հայկական սփիւռքը Հայոց ցեղասպանութեան 100-րդ տարելիցին ընդառաջ. ծրագիրներ եւ նախաձեռնութիւններ» բանախօսութեամբ: Ան կարեւոր համարեց ԱԺ երկու յանձնաժողովներու նախաձեռնութեամբ իրականացուող խորհրդարանական լսումները` ընդգծելով, որ այն քաղաքական եւ բարոյական լիցք պիտի հաղորդէ Հայոց ցեղասպանութեան ճանաչման նպատակաուղղուած ձեռնարկներուն: Տիկին Յակոբեան տեղեկացուց, որ Հայոց ցեղասպանութեան 100-րդ տարելիցին նուիրուած ձեռնարկները համակարգող պետական յանձնաժողովին մէջ ՀՀ սփիւռքի նախարարութեան վերապահուած է սփիւռքի մէջ տարածաշրջանային յանձնախումբերու համակարգման գործընթացքը: Համապարփակ ներկայացնելով մինչ այժմ իրականացուած ծրագիրները եւ յետագայ ընելիքներն ու տարաբնոյթ ձեռնարկները` նախարարը շեշտեց, որ

հայրենիքն ու սփիւռքը առաւել համախմբուած են Հայոց ցեղասպանութեան հիմնախնդիրի շուրջ եւ միակամ` 100-րդ տարելիցին նուիրուած ծրագիրները յաւուր պատշաճի կազմակերպելու եւ իրականացնելու հարցին մէջ: Տիկին Յակոբեան կարեւոր համարեց ցեղասպանութեան միջազգային ճանաչման, դատապարտման եւ հետեւանքներու վերացման հարցը, որուն պէտք է աշխուժօրէն մասնակցին Հայոց խորհրդարականները:

Ելոյթէն ետք նախարար Հրանոյշ Յակոբեան պատասխանեց լսումներու մասնակիցներու բազմաթիւ հարցերուն:

LEAVE A REPLY

Please enter your comment!
Please enter your name here