ԴՈԿՏ. ԴԵՐԱՆՅԱՆԻ ԳԻՐՔԸՙ ՆԱԵՎ ԳԵՐՄԱՆԵՐԵՆ

0
132

Հ. Ծ.

Դոկտ. Հակոբ Մարտին Դերանյանի «Նախագահ Կալվին Քուլիջը եւ Հայ որբերի հյուսած գորգը» գիրքը, որն անգլերենով արդեն երկրորդ հրատարակությամբ է լույս տեսել Ամերիկայում, այժմ Մուրիել Միրաքվայսբախի հետեւողական միջնորդությամբ Բեռլինում գերմաներեն լեզվով է հրատարակվել «Armenische Waisenteppich» խորագրով:

«Վերլագ Հանս Շիլլեր» հրատարակչությունը հայտնի է, ըստ «Միրոր Սփեքթեյթր» շաբաթաթերթի տեղեկատվության, հայկական հարցերի շուրջ գրված գրքերի լույս ընծայմամբ: Թարգմանիչն է Օրտրուն Կրամերը: Նախատեսված է, որ Գերմանիայում հայկական դեսպանատունը կազմակերպի նոր գրքի շնորհանդեսը:

Հիշեցնենք, որ Ամերիկայի հայկական թանգարանում բացված հինգ «որբ» գորգերի ցուցահանդեսի առթիվ (որը տեւել էր մինչեւ մայիսի 25-ը) դոկտ. Դերանյանը ասել էր. «Որբերի հյուսած գորգը դեռեւս որբացած է մնում փակի տակՙ Սպիտակ տանը», մատնանշելով ցուցասրահի պատերին 6-րդ գորգի տեղը, որը բաց էր թողնվել, այն հույսով, որ մի օր Սպիտակ տանը պահվողՙ հայ որբուհիների ձեռքով հյուսված հայտնի գորգը եւս իր արժանի տեղը կզբաղեցնի թանգարանում:

Թուրքաշատ Գերմանիայում գրքի հրատարակումը հավանաբար նոր կրքեր է բորբոքելու, ենթադրում է շաբաթաթերթը:

«ԱԶԳ»

LEAVE A REPLY

Please enter your comment!
Please enter your name here