ԻՐԱՔԻ ՏԱԳՆԱՊԸ ԻՆՔՆՈՒՐՈՅՆ ԼՈՒԾԵԼՈՒ ԿՈՉ ՈՒԱՇԻՆԿԹԸՆԷՆ

0
134

 

Մինչ նախագահ Պարաք Օպամայի Գոնկրէսի անդամներուն հետ կը քննարկէ Իրաքի   զարգացումները, պետական քարտուղարութեան խօսնակ Ժէն Փսաքի յայտարարեց,թէ Միացեալ Նահանգներ կը նախընտրէ   միջամուխ չդառնալ Իրաքի «ներքին հարցերուն«: Սոյն յայտարարութիւնը կատարեց   պետական քարտուղարութեան խօսնակ Ճէն Փսաքին.« Ոչ մէկ արտաքին ուժ, որոնց մէջ՝ Միացեալ Նահանգները չեն կրնար լուծել այն խնդիրները որոնց դէմ կը բախի Իրաքի ժողովուրդը: Իրաքի կառավարութիւնը պարտաւոր է համապատասխան քայլերու դիմելու». յայտարարեց խօսնակը:

Իրանի նախագահ Հասան Ռոհանի   ըսաւ,թէ Թեհրան յանձնառու կը մնայ Իրաքի սրբատեղիներուն պաշտպանութեան: Իրանի արտաքին գործոց նախարարի օգնական Ապպաս Արաքչի հերքեց Վեցնեակին հետ ուժանիւթի թղթածրարը քննարկելու ընթացքին, Իրաքի շուրջ խօսակցութիւններու մասնին տեղեկութիւնները: Սէուտական Արաբիոյ արտաքին գործոց նախարար իշխան Սէուտ Ֆայսալ   յայտարարեց, թէ Իրաք կը գտնուի քաղաքացիական պատերազմի սեմին: Ան   նաեւ նշեց,որ ՄԱԿ ձախողած էր լուծում բերելու Սուրիոյ հակամարտութեան:

Աֆղանիստանի նախագահ Համիտ Քարզայ յայտարարեց, թէ իր երկիրը պիտի չդառնայ երկրորդ Իրաք: Սակայն ան աւելցուց, թէ ամերիկեան «ահաբեկչութեան դէմ պատերազմը» պէտք է հարուածեր ոչ թէ Աֆղանիստանի խաղաղ բնակիչները,այլ՝ Փաքիստանի մէջ գտնուող Թալիպաններու յենակէտերը:

Անատոլու լրատուական գործակալութիւնը հաղորդեց, թէ Քրքուքի մէջ, Տաաշի զինեալներ առեւանգած են տասնհինգ թուրք գործաւորներ: Անատօլու   աւելցուց,թէ թուրքերու կողքին,Տաաշ առեւանգած է Փաքիստանէն, Պանկլատէշէն, Նեփալէն եւ Թուրքմենստանէն ժամանած օտարահպատակ գործաւորներ:

Թրքական լրատուական աղբիւրներ հաղորդեցին, թէ Թուրքիոյ կառավարութեան որոշումով, Սուրիոյ մէջ գազանութիւններ իրականացնող «Ճեպհէթ Ալ Նուսրա»կամակերպութիւնը հանուած է ահաբեկչական կազմակերպութիւններու ցանկէն:

«Սքայ Նիուզ» հաղորդեց, թէ Տաաշի զինեալները անխնայ կը քանդեն Իրաքի նաւթամուղերը: Իրաքեան բանակը երէկ կէսօրէ ետք յաջողեցաւ վերատիրանալ   հիւսիսային Ֆալուճայի մէկ մասին:

LEAVE A REPLY

Please enter your comment!
Please enter your name here