ՀՈԼԱՆՏԱ ԴԱՐՁԱՒ 1/16-ՐԴ ՀԱՆԳՐՈՒԱՆ ՀԱՍՆՈՂ ԱՌԱՋԻՆ ՀԱՒԱՔԱԿԱՆԸ

0
153

ՄՈՆՏԻԱԼ  2014

ՀՈԼԱՆՏԱ – ԱՒՍՏՐԱԼԻԱ`  3-2    (Բ. ԽՄԲԱԿ)

Փորթօ Ալեկրէի  «Էսթատօ Ժոզէ Պորպա» մարզադաշտին մէջ, նախորդ հանգրուանին  Սպանիան 5-1 արդիւնքով  ջախջախած  Հոլանտան  մրցեցաւ  Աւստրալիոյ  համեստ հաւաքականին դէմ,  որ  մասնագէտներու կարծիքով  կը նկատուի   Մոնտիալին մասնակիցներուն մէջ  ամենաթոյլը:Աւստրալիացիները իրենց առաջին հանդիպումին,  3-1 արդիւնքով պարտութիւն մը  կրած էին Չիլիէն:   Սակայն Հոլանտայի դէմ հանդիպումին անոնց ցուցադրեցին   յամառ   խաղ եւ արժանի   մրցակից դարձան  Մոնտիալի  տիտղոսին  յաւակնող Հոլանտային:  Մրցումին 20-րդ վայրկեանին,  Արիան Ռոպէն անհատական գեղեցիկ  խաղով մը  նշանակեց «Թռչող Հոլանտացիներ»ուն առաջին կոլը:  Կը թուէր, թէ  հոլանտական  կոլերու  փառատօնը սկսած  էր…: Սակայն ընդամէնը մէկ վայրկեան ետք՝  21-րդ վայրկեանին Աւստրալիոյ հաւաքականի խմբապետ Թիմ   Քէյհիլ նոյնքան գեղեցիկ կոլով մը հաւասարեցուց  հաշիւը:30-րդ վայրկեանին, աւստրալիացիները  կորսնցուցին  հաշիւին մէջ յառաջ անցնելու ոսկէ առիթ մը:32-րդ վայրկեանին դարձեալ  կորսնցուցին ոսկէ առիթ մը:   Հոլանտացիները այս միջոցին անտեղի սխալներ թոյլ կու տային: Առաջին կիսախաղը վերջ  գտաւ 1-1  հաւասարութեամբ:

Բ. կիսախաղին, աւստրալիացիները  շարունակեցին իրենց  յամառ  պայքարը: 53-րդ վայրկեանին, դաշտ նոր ներկայացած Պրոզովիչի   հարուածը  դպաւ  Հոլանտայի  յետսապահներէն Եանմաաթի  ձեռքին:  Իրաւարարը անմիջապէս փենալթի հարուած  մը շնորհեց աւստրալիացիներուն:  Խմբապետ Ետինաք առանց  վարանելու կոլի  վերածեց  փենալթին:   Այս կոլը  ստանալէ   ետք հոլանտացիները սթափեցան: 58-վայրկեանին, Ռոպին Վան  Փըրսի  հաւասարեցուց  հաշիւը: 67-րդ վայրկեանին, շնորհիւ Տեփայի   նշանակած կոլին,  հոլանտացիները առաջին անգամ ըլլալով,  վերցուցին խաղին  ղեկը:  Մրցումը  շարունակուեցաւ երկկողմ յարձակումներով եւ աւարտեցաւ Հոլանտայի   յաղթանակով՝ 3-2:  Հոլանտայի  հաւաքկանը դարձաւ Մոնտիալ 2014-ի  զտման  հանդիպումներուն  յաջորդական երկու յաղթանակ ապահովող առաջին խումբը եւ հասաւ 1/16-րդ  հանգրուան:

Աւստրալիա  դաշտ  ներկայացաւ հետեւեալ  կազմով՝  Ռայըն, Ուիլքինսըն, Տէյվիտսըն, Մքկուան, Սփիրանովիչ, Պրեշիանօ, Մքքէյ, Լեքի, Քէյհիլ, Ճերտինաք, Օար: Աւստրաիացիները կիրարկեցին 4-5-1  խաղաոճ մը:

Հոլանտա դաշտ ներկայացաւ հետեւեալ կազմով՝  Քիլեսէն, Եանմաաթ, Վլաար,Մարթինզ Ինտի, Պլինտ, Տը Ֆրէյ, Ռոպէն, Շնայտըր, Քուզման, Տը Եոնկ, Վան  Փըրսի: Հոլանտացիները  կիրարկեցին 5-3-2  խաղաոճ մը:

 

LEAVE A REPLY

Please enter your comment!
Please enter your name here