Հայաստանի նախագահ Սերժ Սարգսեան պաշտօնապէս ժամանեց Վրաստան: Թիֆլիսի միջազգային օդակայանին մէջ անոր դիմաւորեց Վրաստանի արտաքին գործոց նախարար Մայիա Փանջիկիձէն: Երկօրեայ այցելութեան ընթացքին, նախագահ Սարգսեան հերթական հանդիպումներ պիտի ունենայ Վրաստանի նախագահ Կէորկի Մարկեվելաշվիլիի, խորհրդարանի նախագահ Տաւիտ Ուսուպասշվիլիի, վարչապետ Իրակլի Ղարիպաշվիլիի հետ:
Նախագահ Սերժ Սարգսեան նաեւ ներկայ պիտի գտնուի Թիֆլիսի Շոթա Ռուսթավելիի անուան պետական ակադեմիական թատրոնին մէջ՝ Սայաթ Նովայի 300-ամեակին նուիրուած հանդիսութեան:
