ՆՈՒԼԱՆՏ՝ ՈՒՔՐԱՆԻՈՅ ՏԱԳՆԱՊԸ ՊԱԼՔԱՆԵԱՆ ՊԱՏԵՐԱԶՄԻ ԺԱՄԱՆԱԿՆԵՐԷՆ ԵՏՔ ԱՄԵՆԱԾԱՆՐՆ Է

0
145

ՄԱԿ-ի Անվտանգութեան Խորհուրդը կոչ ըրաւ հետաքննելու արեւելեան Ուքրանիոյ մէջ ռուս երկու լրագրողներուն սպանութեան պատճառները: Նշենք, թէ համառուսաստանեան պետական հեռատեսիլի եւ ձայնասփիւռի ընկերութեան թղթակիցներ՝ Իկոր Քոռնելիով եւ Անթոն Վոլոշին  անորոշ պայմաններու տակ սպաննուեցան արեւելեան Ուքրանիոյ մէջ: Ռուսիոյ նախագահ Վլատիմիր Փութին հեռախօսազրոյց մը ունեցաւ Ուքրանիոյ իր պաշտօնակիցին Փիոթր Փորոշենքոյի հետ:« Նախագահները քննարկած են ռուս-ուքրանական երկկողմ յարաբերութիւններու արդիական հարցեր: Անդրադարձած են նաեւ Ուքրանիոյ հարաւարեւելքը զինադադար հաստատելու նիւթը». կ’ըսուի Քրեմլինի հաղորդագրութեան մէջ: Նախագահ Փութին անհանգստութիւն յայտնած է Լուկանսքի մարզին մէջ ռուս լրագրողներ զոհուելու կապակցութեամբ եւ ընդգծած հակամարտութեան գօտիին մէջ լրատուական միջոցներու պաշտպանութեան անհրաժեշտութիւնը: Փորոշենքօ խոստացած է հետաքննութիւն մը   բանալ զոհուած երկու լրագրողներուն մահուան պատճառներուն շուրջ: Փորոշենքօ միակողմանի զինադադար մը յայտարարեց արեւելեան Ուքրանիոյ շրջաններուն մէջ, որպէսզի զինեալ հոսանքները հնարաւորութիւն ունենան լքելու զէնքը եւ հեռանալու երկրէն: Ան աւելցուց, թէ պատերազմի մէջ կը գտնուի Ուքրանիան, սակայն անպայման յաղթական դուրս պիտի ելլէ պատերազմէն:

Միացեալ Նահանգներու պետական քարտուղարութեան Եւրոպայի եւ Ասիոյ   հարցերով   պաշտօնական ներկայացուցիչ Վիքթորիա Նուլանտ   յայտնեց,թէ ՆԱԹՕ-ի անդամ պետութիւնները պիտի զօրացնեն իրենց պաշտպանունակութիւնը: Ան շատ «ծանր» գնահատական տուաւ Ուքրանիոյ կացութեան.«Ուքրանիոյ դէպքերը ամենամեծ մարտահրաւէրն են Պալքանեան պատերազմի   ժամանակներէն ի վեր». եզրակացուց Նուլանտ:

LEAVE A REPLY

Please enter your comment!
Please enter your name here