ԳՈԼՈՄՊԻԱ ՆՈՅՆՊԷՍ ՀԱՍԱՒ 1/16-ՐԴ ՀԱՆԳՐՈՒԱՆ

0
194

ՄՈՆՏԻԱԼ  2014

ԳՈԼՈՄՊԻԱ  – ՓՂՈՍԿՐԵԱՅ ԱՓՈՒՆՔ՝   2-1

Պրազիլիայի « Էսթատօ  Նասիոնալ Տը Պրազիլիա»  մարզադաշտին  վրայ  Հինգշաբթի երեկոյեան ժամը  եօթին, 68748 մարզասէրներու  ներկայութեան  մեկնարկեց Մոնտիալ 2014-ի Գ.Խմբակի  երկրորդ  հանգրուանի   Գոլոմպիա –  Փղոսկրեայ Ափունք  հանդիպումը: Գոլոմպիա իր առաջին   հանդիպումին 3-0  պարտութեան մատնած էր  Յունաստանը:  Ափրիկեցիները  2-1  հաշուով  պարտութիւն մը կրած էին  Ճափոնէն:

Զոյգ  հաւաքականները  դաշտ ներկայացան յաղթելու նպատակով: Երկուտեք կորսնցուցին   կոլ  նշանակելու  բազմաթիւ առիթներ: Առաջին կիսախաղը վերջ գտաւ 0-0 հաւասարութեամբ: Կիսախաղէն ետք  խումբերը  շարունակեցին յարձակողական  ֆութպոլը: 64-րդ վայրկեանին Ճէյմս Ռոֆրիկէզ  գլխու  գեղեցիկ  հարուածով  յառաջ մղեգ Գոլոմպիայի   հաւաքականը:  Ռոտրիկէզ,  Մոնտիալի  երկու յաջորդական մրցումներու ընթացքին կը  նշանակէր  երկրորդ կոլը: Ափրիկեցիները աւելի  զօրացուցին իրենց  յարձակումները,  հաւասարութեան կոլը  նշանկելու  նպատակով:  Գոլոմպիացիները անցան հակայարձակողականի եւ 70-րդ  վայրկեանին Գուենթերօ  2-0-ի բարձրացուց հաշիւը: Այս կոլէն ընդամէնը  երեք  վայրկեան ետք, Ճերվինիօ կրճատեց  հաշիւը: Հանդիպումը   վերջ  գտաւ Գոլոմպիայի  յաղթանակով՝2-1: Շնորհիւ սոյն  յաղթանակին Գոլոմպիա անցաւ Մոնտիալի  1/16-րդ  հանգրուանը:

Փղոսկեայ Ափունք դաշտ ներկայացաւ հետեւեալ կազմով՝  Պարի, Օրիյէր,Զոքորա, Պամպա, Պոքա, Սերէյ, Թիոթէ, Թուրէ, Կրատէլ, Պոնի  Ճերվինիօ:  Ափրիկեան  խումբը մրցումը սկսաւ4-3-3 խաղաոճով:

Գոլոմպիա   դաշտ ներկայացաւ հետեւեալ կազմով՝  Օսփինա,  Զունիկա, Զափաթա, Եփէս, Արմերօ, Ակուիլէր, Սանչէզ, Կուատրատօ, Ռոտրիկէզ, Իպարպօ, Կութիյէրէզ:Հարաւամերիկացիները հանդիպումը սկսան 4-2-3-1  խաղաոճով:

LEAVE A REPLY

Please enter your comment!
Please enter your name here