ԽՐՈՒԱԹԻԱ – ԳԱՄԵՐՈՒՆ 4 – 0

0
190

ՄՈՆՏԻԱԼ 2014

Մանուասի «Արենա Ամազոնա» մարզադաշտին մէջ, Մոնտիալ 2014-ի Ա.Խմբակի երկրորդ հանգրուանի մրցումներուն, Խրուաթիոյ հաւաքականը տպաւորիչ յաղթանակ մը արձանագրեց Գամերունի դէմ: Մրցումին հետեւեցան 39382 մարզասէրներ:

Գամերունի հաւաքականը անգամ մը եւս առաջին հանգրուանի մրցումներէն դուրս մնաց Մոնտիալէն, երբ 4-0 արդիւնքով ծանր պարտութիւն մը կրեց Խրուաթիայէն (Կիսախաղ՝ 1-0):

Հանդիպման 11-րդ վայրկեանին, Իվիքա Օլիչ նշանակեց Խրուաթիոյ առաջին կոլը: Բ.կիսախաղին, Իվան Փերիսիչ օգտուելով Գամերունի բերդապահին գործած մէկ սխալէն ՝ 2-0-ի վերածեց հաշիւը: Մանտզուքիչ, երկու յաջորդական   կոլերով 4-0-ի վերածեց հաշիւը: Խրուաթիոյ հաւաքականին յաջորդ մրցակիցը պիտի ըլլայ Մեքսիքօն: Մարզիչ Նիքօ Քովաչին կազմը 1/16-րդ հանգրուանին հասնելու համար միայն յաղթանակով պէտք է հեռանայ Մեքսիքոյի դէմ ճակատումէն:

Հաւաքականները դաշտ ներկայացան հետեւեալ կազմերով՝ Խրուաթիա. Փլեթիքոսա, Սրնա,Փրանճիչ,Ռաթիքիչ, Գորլուքա, Լովրէն, Փերիսիչ, Մոտրիչ, Մանտզուքիչ, Քրուզ,Օլիչ:

Գամերուն՝ Իթանտյէ, Ըմպիա, Ասու Էքոթօ,Մաթիպ, Ընքութօ, Չետիու, Մուլքանտյօ, Սոնկ, Ապուպաքր, Էնոհ, Չուփօ Մոթինկ:

LEAVE A REPLY

Please enter your comment!
Please enter your name here