ՈՒՐՈՒԿՈՒԷՅ – ԱՆԳԼԻԱ՝ 2-1 (Դ.ԽՄԲԱԿ)

0
160

ՄՈՆՏԻԱԼ 2014

Սաօ Փաուլոյի  « Արենա Քորինթիանզ»  մարզադաշտին մէջ տեղի ունեցաւ  Անգլիոյ եւ Ուրուկույի  միջեւ սպասուած    ճակատումը: Նախապէս՝  Մոնտիալի  պատմութեան մէջ  զոյգ խումբերը  միայն  երկու անգամ հանդիպած են  իրարու դէմ. 1954-ին, Ուրուկուէյ՝  4-2 արդիւնքով  պարտութեան մատնած Է Անգլիան եւ  հասած  քառորդ աւարտական հանգրուան: 1966-ին՝  հանդիպումը աւարտած է   0-0  հաւասարութեամբ:Զոյգ խումբերը  Մոնտիալի առաջին հանգրուանին  պարտութիւն կրած ըլլալով,  դաշտ ներկայացան  յաղթանակ ապահովելու  վճռակամութեամբ: Մարասէրները դիտեցին  յարձակողական ֆութպոլի  գեղեցիկ մրցում մը: 39-րդ վայրկեանին, Լուիս Սուարէզ  նշանակեց   մրցումին եւ Ուրուկուէյի  առաջին կոլը:Առաջին կիսախաղը աւարտեցաւ Ուրուկուէյի   առաւելութեամբ՝ 1-0: Բ.կիսախաղի սկիզբը  Ուրուկուէյ առնուազն կրնար   եռապատկել  հաշիւը: Ուրուկուէյցիները  աքցանի տակ   վերցուցին  Անգլիոյ  բերդը: Անգլիացիները հակազդեցին: 52-րդ եւ  54-րդ վայրկեաններուն  անգլիացիները  կորսնցուցին  հաւասարելու ոսկէ առիթներ: 75-րդ վայրկեանին  Ուէյն Ռունի հաւասարեցուց  հաշիւը: Սակայն  Լուիս  Սուարէզ անակնկալ մը եւս  պատրաստած էր անգլիացիներուն: Արդարեւ, հանդիպման 84-րդ վայրկեանին, Սուարէզ  դարձեալ  գրաւեց  Անգլիոյ  բերդը: Հանդիպումը  վերջ  գտաւ Ուրուկուէյի  յաղթանակով: Անգլիա  կրեց  երկրորդ պարտութիւնը : Լուիս Սուարէզ  ընտրուեցաւ մրցումին  լաւագոյն  ֆութպոլիստը

Անգլիա դաշտ ներկայացաւ հետեւեալ կազմով՝  Հարթ, Ճոնսըն, Ճակիէլքա, Գէյհիլ, Պէյնզ, Ճեռարտ, Հենտրսըն, Սթերլինկ, Ռունի,  Ուելպէք, Սթարիճ:

Ուրուկուէյ  դաշտ ներկայացաւ հետեւեալ կազմով՝ Մուսլերա, Քասերէս, Կիւմենէզ, Կոտին, Փերէյրա, Կոնցալէս, Ռիոս,  Լոտէյրօ, Ռոտրիկէզ,  Գաւանի,  Սուարէզ:

LEAVE A REPLY

Please enter your comment!
Please enter your name here