Մեկնարկեց «Արի Տուն» 2014թ Ծրագիրը

0
134

Յունիս 16-ին ՀՀ սփիւռքի նախարարութեան մէջ տեղի ունեցաւ Սփիւռքի երիտասարդներու հայրենաճանաչութեան «Արի տուն» 2014թ ծրագիրի առաջին փուլի բացման արարողութիւնը: Ծրագիրի մասնակիցներուն ողջունեց եւ բացման խօսքով հանդէս եկաւ ՀՀ սփիւռքի նախարար Հրանոյշ Յակոբեան: Ան շնորհակալութիւն յայտնեց երեխաներու ծնողներուն, ուսուցիչներուն, վարչական շրջաններու պատասխանատուներուն, հիւրընկալ ընտանիքներուն, կարեւոր համարեց անոնց դերը «Արի տուն»  ծրագիրի կայացման գործին մէջ: Նախարարը կոչ ըրաւ այս հնարաւորութիւնը առաւելագոյնս օգտագործել` հասակակիցներու հետ ընկերանալու, Հայրենիքի հետ կապը աւելի ամրապնդելու համար: Նախարարը յորդորեց լաւ սորվիլ մայրենին եւ հայրենի երկրի պատմութիւնը, կարեւոր համարեց, որ աշխարհի բոլոր ծայրերուն մէջ անոնք ըլլան գիտելիքներով հարուստ եւ մրցունակ երիտասարդներ:

Աւանդոյթին համաձայն` նախարար Հ.Յակոբեան ծրագիրի մասնակիցներէն մէկուն` Թուրքմէնստանէն ժամանած տասներեք ամեայ Սամուէլ Հայրապետեանին, հագցուց «Արի տուն» ծրագիրի տարբերանշանով վերնաշապիկը եւ գլխարկը:

Ելոյթով հանդէս եկաւ եւ ծրագիրի կազմակերպիչներուն իր շնորհակալական խօսքն ըսաւ Սուխումի շրջանի Եաշթխուայի թիւ 1. դպրոցի ուսուցչուհի Տիգուշ Յարութիւնեանը, որ Ապխազիայէն ժամանած մասնակիցներու խումբի ղեկավարն է:

Ծրագիրի ծիրէն ներս մասնակիցները 9 օրուան ընթացքին կը ծանօթանան Հայաստանի պատմական եւ արդի տեսարժան վայրերուն, կ’ունենան բազմաբնոյթ հանդիպումներ պետական, հասարակական եւ մշակութային գործիչներու հետ, հայրենագիտութեան դասեր կ’առնեն Հայրենիքի մէջ, կը սորվին ազգային պարեր եւ երգեր: Ծրագիրի աւարտին ճամբարային 5 օրերը մասնակիցները կ’իրականացնեն Ծաղկաձորի մէջ:

Նշենք, որ «Արի տուն» ծրագիրի առաջին փուլին կը մասնակցին 65 պատանիներ եւ աղջիկներ 5 երկրէ: Ծրագիրի բացման ներկայ էին նաեւ հիւրընկալ ընտանիքներու անդամներ:

LEAVE A REPLY

Please enter your comment!
Please enter your name here