ՈՒՍՈՒՑԻՉՆԵՐԸ ՀԱՍՏԱՏ ԿԸ ՄՆԱՆ ԻՐԵՆՑ ՊԱՀԱՆՋՆԵՐՈՒՆ ՎՐԱՅ

0
129

Ուսուցիչները կը մերժեն սրբագրել պետական քննութիւնները, պահանջելով որ խորհրդարանը նախ  հաստատէ աշխատավարձերու յաւելումի օրինագիծը: Խորհրդարանի նախագահ Նեպիհ Պըրրի յայտնեց, թէ ամբողջ խնդիրը կը կայանայ նոր նախագահի ընտրութեան մէջ, այլապէս օրինագիծին շուրջարդէն իսկ  գոյացած է գրաւոր համաձայնութիւն: Պըրրի՝ գոհացում տալու համար յաւելումին վերաբերեալ Մուսթաքպալ Հոսանքի պահանջներուն, խոստացաւ յառաջիկայ տարուան պետական պիւտճէին մէջ երկու առ հարիւրի յաւելում մը կատարել Թէ.Վէ.Ա.-ի տուրքերուն վրայ: Պըրրի շեշտեց,թէ աշխատավարձերու յաւելումի թղթածրարը կախեալ է   քաղաքական դիրքորոշումներէն եւ ոչ՝ ելեւմտական   թիւերէն: Մուսթաքպալ Հոսանքի պետ Ֆուատ Սինիորա յայտնեց,թէ Թէ.Վէ.Ա.-ի վրայ մէկ առ հարիւրի յաւելում մը կրնայ  լաւագոյն լուծումը ըլլալ աշխատավարձերու յաւելումի   թղթածրարին: Երեսփոխան Ամմար Հուրի դիտել տուաւ, որ Պըրրիի կողմէ յաւելումներու համար քննարկումներու նիստերը բաց պահելու որոշումը կ’արտայայտէ երկխօսութիւնը շարունակելու անոր տրամադրութիւնը: Ելեւմտական հարցերու նախկին նախարար Ռայա Հասան նշեց, թէ Թէ.Վէ.Ա-ի վրայ   ջնջին   յաւելում մը արմատական լուծում պիտի բերէ աշխատավարձերու յաւելումի թղթածրարին:

LEAVE A REPLY

Please enter your comment!
Please enter your name here