ԱՐԺԱՆԹԻՆ – ԻՐԱՆ 1-0

0
165

ՄՈՆՏԻԱԼ  2014

Մոնտիալ  2014-ի խմբային  հանգրուանի  Զ. Խմբակի  մրցումներուն գծով, Արժանթին – Իրան   հանդիպումը  կայացաւ  Պելօ  Հորիզոնթէի « Էսթատօ  Կովերնատոր Փինթօ»   մարզադաշտին մէջ: Արժանթինի  հաւաքականը  փորձեց յաջորդական երկրորդ  յաղթանակը արձանագրել, Պոսնիոյ  դէմ՝ 2-1  յաղթանակէն ետք: Իրան՝ առաջին մրցումին 0-0 արդիւնքով  հաւասարութիւն մը  ձեռք  բերած էր  Նիճերիոյ դէմ:  Հանդիպումը սկսաւ   արժանթինցիներու  յարձակումներով:  Իրանցիները  ցուցադրեցին    յամառ  կամք: Առաջին կիսախաղը վերջ  գտաւ՝0-0 հաւասարութեամբ:Երկրորդ  կիսխաղաղին շարունակուեցաւ առաջինին սենարիօն:  Իրանցիները կը  յաջողէին  չէզոքացնել Արժանթինի  յարձակումները եւ նոյնքան վտանգաւոր պահեր ստեղծել  հարաւամերիկացիներուն բերդին առջեւ: Մեսի, Ակուերօ եւ Հիկուային կարծէք    գոյութիւն չունենային դաշտին վրայ:  Սակայն  մրցումին 91-րդ վայրկեանին,  Լիոնէլ Մեսի գեղեցիկ  վոլէյով մը  նշանակեց  մրցումին առաջին եւ Արժանթինի յաղթանակի կոլը:   Մեսի՝  իր երկրորդ կոլը կը  նշանակէր ընթացիկ  Մոնտիալին:  Շնորհիւ յաղթանակին Արժանթինի հաւաքկանը անցաւ Մոնտիալի 1/16-րդ  հանգրուանին:

Արժանթին դաշտ ներկայացաւ հետեւեալ կազմով՝  Ռոմերօ, Զապալեթա, Կարայ, Ֆերնանտէզ, Ռոխօ, Կակօ, Մասչերանօ, Տի Մարիա, Մեսի, Հիկուային, Ակուերօ: Հարաւամերիկացիները  կիրարկեցին  4-2-2-2  խաղաոճ մը:

Իրան  դաշտ ներկայացաւ հետեւեալ կազմով՝   Հակիկի, Հոսէյնի, Սատեղի, Մոնթազերի, Փուլատի,Շոճայէյ, Նեքունամ,Թէյմուրեան, Տեժակա, Կուշանճհատ, Հաճսաֆի:  Իրանցիները  կիրարկեցին  4-3-3  խաղաոճ մը:

LEAVE A REPLY

Please enter your comment!
Please enter your name here