ՀՈԼԱՆՏԱ – ՉԻԼԻ՝ 2-0

0
173

ՄՈՆՏԻԱԼ   2014

Սան Փաուլոյի « Արենա Գորինթիանս» մարզադաշտին մէջ, 62996  հանդիսականներու ներկայութեան տեղի ունեցաւ  Մոնտիալ 2014-ի  Բ.  Խմբակի  երրորդ օրուան  հանդիպումներուն գծով,  Հոլանտա- Չիլի  ճակատումը:

Զոյգ խումբերըդաշտ ներկայացան  իրենց գրպանին մէջ արդէն  ունենալով վեցական կէտ: Ռոպին Վան  Փըրսի՝ Հոլանտա,  Արթուրօ  Վիտալ՝ Չիլի կը բացակայէին   հանդիպումէն:  Երկու  բերդերուն առջեւ ստեղծուեցան կոլային լուրջ պահեր:Արիան Ռոպէն ա. կիսախաղի ամբողջ  տեւողութեան, մնաց Հոլանտայի ամենավտանգաւոր   ֆութպոլիստը: 45 վայրկեաններուն  ընթացքին առաւելութիւնը  Հոլանտայի  կողմը   ըլլալով հանդերձ, առաջին կիսախաղը  վերջ գտաւ  հաւասարութեամբ:Բ. կիսախաղը  դարձաւ առաջինին կրկնութիւնը:   Երկու խումբերը ստեղծեցին կոլային պահեր,  վտանգաւոր  յարձակումներ, բայց  բերդերը մնացին անշարժ:77-րդ վայրկեանին,   դաշտ նոր ներկայացած Լերոյ  Ֆէր  գլխու   գեղեցիկ  հարուածով մը նշանակեց  Հոլանտայի եւ   մրցումին առաջին կոլը: 92-րդ վայրկեանին,Արիան Ռոպէն  գեղեցիկ    ճեղքում մը կատարեց  դաշտին ձախ  կողմէն եւ  գնդակը փոխանցեց   Չիլիի  բերդը սուրացող  Տեփային :  Վերջինս, 2-0-ի  վերածեց հաշիւը: Հոլանտա՝ առաւելագոյն   ինը  կէտերով   գլխաւորեց Բ.Խմբակը:

Չիլի  դաշտ  ներկայացաւ  հետեւեալ  կազմով՝  Պրաւօ, Մետէլ, Սիլվա(Վալտիվա),Եարա, Իսլա, Արանկուիզ, Կութիյէրէզ (Պոսըժուր), Տիազ, Մենա, Սանչէզ, Վարկաս(Փինիլա):  Չիլիցիները  մրցումը սկսան 3-5-2 խաղաոճով:

Հոլանտա դաշտ ներկայացաւ  հետեւեալ կազմով՝  Սիլեսէն, Եանմաաթ, Տը Ֆրէյ, Վլաար, Պլինտ, Քոյթ, Ուինալտոմ, Տը Եոնկ, Շնայտըր(Լերոյ Ֆէր),  Ռոպէն  Լենս(Տեփայ): Հոլանտացիները  նոյնպէս  կիրարկեցին 5-3-2 խաղաոճ:’

LEAVE A REPLY

Please enter your comment!
Please enter your name here